قبل ابد سوال
ابي كل وحده تساله نفسها
ليه اذا شفنا بنت حوسه او موب حلوه
او موب كشخه على طول نقول قرويه!!
او كانها بنت قريه!!
تدرون كنت اظن اهل القرى
وصخين بناتهم اشكالهم مو حلوه
مايعرفون يتكلمون ولا يعرفون يلبسون
بما اني بمنطقه كلها قرى دخلت الجامعه
انصدمت بالواقع
اقسم بالله ياشفت بنات قرى صرت اشك
انهن هم بنات المدن
اول شي جمال جمال عليهم
وخاصه البياض والشعر الصحي انهبل
تطير عيوني اذا شفتهم ينسفون هالشعورً
اللي ماشاء الله غزاره لاتقصف ولا جاف
ولا مشاكل بياض لبس اجسام انصصدمت
كلامهم بعضهم كله دلع ولا كانها من قريه
لبس نفس لبسنا قمصان ماركات وشنطه ماركه
ومكياج خفيف
كان قبل قريبي يقول لو فكرت اتزوج باخذ
من قريه
حنا جلسنا ساعتين نضحك عليه
والحين عرفت اننا كنا نضحك على انفسنا
صار عارف احسن منا
سوالي
ليه نظرتنا للقرى انهم ضعيفين
وانهم مايعرفون يكشخون ولا حاجه؟؟
شاركي في النقاش
سجلي الدخول لإضافة تعليق.
التعليقات
35- والله مدري ليش علما انا من قريه يعني قرويه 😊
- ليتك بتشوفيني وبتشوفين جماعتي 😍😍😍😍😍
والله مدري عنكم لان كمان كاان فيه قرو يسبون بعض القبايل 😂 بس الحمدلله انقرضت من عندنا هالعادات السيئه - من جد اهل القرى اللي عندنا نظاااافه واناااقه وسنع احسن من بناات المدن بميه مرررا ممكن لانه تربوو على المسؤليه واحنا تربينا على الدلع
ولكن بالنسبه انو نقول قرويه للي مبهدله وكذا
هي كلمه تدل على قلة العلم والثقاافه للشخص نفسه ما نقصد فيها بنات القرى - الجواب بكل بساطة ان حياة الترف شملت جميع قرى المملكة يجيهم نت وعندهم مطاعم واسواق نفس المدن قبل كانت الطرق بينهم وبين المدن مش ولابد الحين كل نص ساعة تمرين على قرية والا مدينة والا هجرة وغالباً يكونن قنوعات وماعندهن الدشارة اللي عند بعض بنات المدن مع اني بمدينة عايشة بس اغبطهن
سنابل 99 الجواب بكل بساطة ان حياة الترف شملت جميع قرى المملكة يجيهم نت وعندهم مطاعم واسواق نفس المدن قبل كانت الطرق بينهم وبين المدن مش ولابد الحين كل نص ساعة تمرين على قرية والا مدينة والا هجرة وغالباً يكونن قنوعات وماعندهن الدشارة اللي عند بعض بن…
وهذا السبب اللي ممكن قريبك يبغى منهن صاينات نفسهن ويحترمن اهلهن ويعرفن المواجيب بحكم العادات والتقاليد
مواضيع مشابهة
تابعي تجارب أخرى من هذا القسم.