السلام عليكم حبايبي اخباركم
بنات انا زوجي اخوه جاء من الجنوب عنده دوره وبيعزمه عندنا منهم 2 من اخوانه وحرمة اخوه وصاحبه وعيالهم ايش أسوي غداء أعطوني أفكار وربي محتاره بيعزمهم الأسبوع الجاي وهم ماشاء الله من النوع اللي ياكلون ويحبون الاكل الدسم زي الكبسات واللي جنوبية بتعرف المغش والخمير أفكر مأساوي اكل شعبي ابي شي جديد أعطوني افكاركم ومتى ابداء الطبخ يقول يبي الاكل الساعة 2او 3 وانا معي ولد وحامل هل اجهز من الليل وإلا من الصباح
شاركي في النقاش
سجلي الدخول لإضافة تعليق.
التعليقات
26- والله يااختي ماادري وش أقول لك بس اذا هم كثار وانتي بعد عندك عيال وتعب عليك قولي له الله لايهينه يجيب لهم غدا من بره وهو يوم ويعدي وين يمديك تطبخين للكل وعيالك معاك وفوق هذا حامل وتعبانه الله يعينك واذا هو مصر انتي تطبخين سوي لهم كبسه لحم دسمه وخلاص وكثري بالسلطات وهالشغلات لانه غدا يعني صنف واحد يكفي مع السلطه والبطيخ والتمر والحلا وهالشغلات وبيض الله وجهك بتكوني ماقصرتي معاهم
- صاحبة الموضوع #93707400
fatoomah123 والله يااختي ماادري وش أقول لك بس اذا هم كثار وانتي بعد عندك عيال وتعب عليك قولي له الله لايهينه يجيب لهم غدا من بره وهو يوم ويعدي وين يمديك تطبخين للكل وعيالك معاك وفوق هذا حامل وتعبانه الله يعينك واذا هو مصر انتي تطبخين سوي لهم كبسه لحم …
قال ابيك انتي تطبخين وانا حافز حقي نزل أمس بجيب شغاله تساعدني قال اخوي بالمنطقه اللي هو فيه ماعنده احد يطبخله ابي يذوق اكل بيت حاولت فيه بس مصر أني اطبخ - حامل وعندك طفل
وتبغي تطبخي عزيمة
من رأيي الاكل الرئيسي يجيبه من برا
والباقي انتي سويه بالبيت دي السلطات والاطباق الجانبية
واذا اخوه يبغى اكل بيت
بيوم اطبخي وزيدي الكمية وخليه يرسل لاخو - تجمّلي دامها يوم اطبخي من الساعة ١٠ وعلى مهلس بدون تعب واذا مشوا من عندس طلعي هالجميل من عيونه اجلسي يومين توجعي من ظهرس عشان ماياخذها عادة وبكذا تبيضين وجه زوجس وتأدبينه بنفس الوقت وبالنسبة للطبخ واطبخي طبخكم لاتطبخين اكل جنوبي وهو من جنوبي هو الحين متشفق على اكلكم سوي كبسة لحم وكشنة مرتبه وسلطات واحمدي ربك انه غدا مايجي العصر الا وهم ماششين العشاء يبي له تنويع وفوق هذا بعد العشاء يبون تعللة ومكسرات وموالح و و و
- لا تكلفين على نفسك
سوي مندي بقدر الضغط او كبسة او مضغوط
او اي نوع رز و لحم
و اعملي سلطاتك و الحلويات و العصاير قبل بيوم
و زيني السفرة و صلى الله و بارك
انا بصراحه اشوف نتعود على النظام هذا
لو المجتمع كله ترك الهياط ارتحنا
والا السنع موجود بس حرام النعمة تنكب والظهر ينكسر
مواضيع مشابهة
تابعي تجارب أخرى من هذا القسم.