احس ان الله ساقج لي
انا نفسيتي محطمه وماتتصورين شو حالتي
انا متزوجه من 9 شهور بس واحس اني انسانه تعيسه
اول 3 شهور من حياتي كانت مثل الحلم وماكنت اتمنى انش منه
بس ريلي الله يهداه تعرف على شله غيرته وغيرت حياتي
صار مايهتم فيني وفي طلباتي والله يشهد علي اني ما اطلب منه شي مستحيل
يعني مثلا اذا ابا اسير الجمعيه لازم احن شهر عشان اشتري اشياء بسيطه مثل شامبو وصابون وغيره!!!! تخيلي!!!!
قسما بالله احس بالاهانه وانا اقول هالكلام
قبل كان يوديني كل مكان وإذا كان مشغول يطلعني مره في الاسبوع
الحين عادي يمر شهر ولا شهرين ولا يفكر يوديني اي مكان
اقوله خاطري اغير جو واطلع مليت من اليلسه في البيت
يقولي إن شاء الله باجر بطلع ويي باجر ولا يوديني اي مكان
قبل كان الساعه 10 في البيت وكل يوم نتعشى ويا بعض
الحين مستحيل يرجع البيت قبل الساعه 4 او 3 الفجر
بصراحه احس ان ريلي يخوني ... الله يعلم بحالتي وانا اكتب هالكلام
عمري ماقلته لحد... بس تصرفاته تدل على هالشي
24 ساعه حاضن تليفونه ومايخليني المسه وهو قبل ماكان يسوي جيه
بصراحه استويت ما احس بأهميته في حياتي
مايسويلي اي شي ولا يراعي حقوقي في ابسط الاشياء
إذا مرضت مستحيل يفكر يوديني المستشفى
يقولي سيري روحج ولا خلي اي حد يوديج حتى لو كنت بموت من التعب
إذا بغيت شي لازم احن بالاسابيع وبالشهور عشان يسويلي اياه وممكن انه مايسوي شي
انسان اناني من الدرجه الاولى مايفكر إلا في راحته ونفسه وبس
اليوم وانا طالعه من البيت وسايره الدوام مافي في بالي الا شي واحد "الطلاق"
قلت دام بعدنا ماعندنا عيال وهو جيه ليش اتعب نفسيا وجسديا بسبته
وماتعودت اعيش في معاناه... الزم ماعلي راحة بالي وانا اتحملته وايد
اتمنى انه يتغير عشان ما افكر بهالطريقه... والله مب عارفه شو اسوي
وفيني انا بعد عيب اتمنى يتغير... انا واااااااااايد عصبيه وما اقدر اتحكم في نفسي اذا كنت صدق متضايقه... بس الله يشهد علي اني صابره على اشياء وايد ولا تكلمت في وايد مواقف
ريلي حنون وكريييييييييييييييييم لابعد الحدود... اللي يصبرني انه وهو طالع وداخل يبوسني ويحضني ومستحيل ينام إلا وانا في حضنه حتى لو زعلانين من بعض وعمره زعلنا ما طول اكثر من يوم... بس شو فايدة الاحضان وانا افتقد اشياء ثانيه مهمه في حياتي
ارجوج قوليلي شو اسوي؟؟؟
لحياة زوجية أسعد كوني أنثى الجزء الثاني
متابعة النقاش، صفحة 15