زوجي ونفسيتي صفر

السلام عليكم
حابه افضفض لكم مررررررره نفسيتي صفر
الحمدلله على كل حال
متزوجه وعند ولد وبنت

وكانت حياتي ماشي حالها ولله الحمد
طبعا كأغلاب الازواج مايحب يودي ولا يجيب وصابره وساكته
اقضي مشاويري با التكاسي والحمدلله جانا كريم فك أزمه

قبل يومين خرجت للسوق ومريت على وحده زياره كانتجدا خفيفه احمد لها با السلامه
وانا رايحه قلت لزوجي انا ماره السوق ورايحه عند فلانه
تاخرت شي قليل
جيت لقيتو معصب وزعلان مولع
يقولي أنت قليلة مرؤة وكذابه ومخادعه قلت تبين اتروحين للسوق ورحت مكان ثاني
ويتحجج باني ماقلت
وأنا متأكده أني قلت بس يمكن ما سمعني ولا يسوي نفسه ماسمع

المهم لنا يومين مانكلم بعض وياكل من برا
أبغى رأيكم ومشورتكم

22 تعليق 3,700 مشاهدة

شاركي في النقاش

سجلي الدخول لإضافة تعليق.

التعليقات

21
  1. المفروض انت تزعلي اولا لانك قلتي له وجاي يحاسبك
    وثانيا لانه رجال طول بعرض وتارك حرمته تتمرمط بالتكاسي ومع الغرب
    لو فيك حيل تستغلي الوضع لصالحك لاتقصري قولي مشاويري بعد كذا انت تقضيها لي والا اسمك رجال بس بالبيت
  2. @arsak

    صاحبة الموضوع
    والله فكرت كذا
    وفكرت اخلي لي يوم في الأسبوع اطلع محل ما ابغى
    انا ما اخرج عشان اهل في منطقهوانا في منطقه
    بس صابره هذا اليومين إيلين تأجز بنتي وأروح لأهلي
  3. @gmsht

    يا اختي صحيح انه غلطان يتركك مع الاجنبي
    لكن
    لو فعلا على باله انه مشوار سوق فقط وما انتبه للمشوار الثاني
    يحق له والله يزعل
    لانه خاف عليك كثير
    خاف عليك لما تأخرتي
    وخاف منك لا تكوني تكذبين بالمشاوير المستقبليه
    اتوقع ممكن يمنعك من الطلعات ولو سواها راح تكون مؤقته
    لانه مو متحمل مشاوير
    زيدة الكلام راضي زوجك واستسمحي منه ولا تروحي لاهلك
    وانتي زعلانه عليه احذري مو من صالحك
  4. @rawann_2

    هذا والله اللي يدور الزله 🙂 .. الله يصبرك عليه ، المفروض انتي اللي تزعلين رايحه وجايه مع اجناب وتكاسي ولعوزه وهو متبطح ما كأنه مسؤول عما بعينه قليل الادب 😷 .. ازعلي انتي فوق انه مقصر معك يتبلاك بعد 🙂 .. وع ماينعطى وجه ذا يحمد ربه انك ماتمشورينه ياربي يقهر 😩😩😩 .

تابعي تجارب أخرى من هذا القسم.