ساعدوني يا السنعات في اكرام ضيوفي

ادخلي النت مليااااان والنستقرام طبي واغلطي
اهم حاجه الترتيب والتنظيم لاتتعبين نفسك اهم شي نظمي وقتك وبس بالتوفيق وعايدي ماستعجلتي ولا شي كذا احساس اللي تجيها عزومه اول مره

اللي بتكون متوترة وخايفة تتفشل أنصحها تجيب طبق او اثنين جاهز والباقي اطبخيه مثلاً تشكيلة فطائر وبيتزا خلي زوجك يجيبها من العصر ومعه ورق عنب وكبب مثلاً او اي شيء هدولة يعتبرو سبير احتياط والباقي اطبخيه واذا لا قدر الله احترق شي أو طلع طبق غير ناجح ضمنتي في اطباق تانية احتياط ، بالنسبة لي انظم اموري : اجيب طبقين جاهز من السوق ( عشان ما يكون الحمل تقيل عليي ) وطبقين انا اطبخهم قبل يومين ( كبب احطها بالفريزر وايدام ومحاشي بالبراد وعلى فكرة تصير اطعم كل ما كانت اقدم ) هدولة كلهم مضمونين وتمام 👍🏼 وجاهزين بس تسخين ويبقى اكلات الرز والمكرونات والشوربات اعملها طازة، الحلا لازم تعمليه قبل بيوم أنا أفضل الجاهز عشان ما أدبس نفسي بمية شغلة وأنا أصلاً تعبانة من الطبيخ

لازم تتعاملين مع الحافظات عشان لو طلعوا للصلاة ما يبرد الأكل ..تسلفي حافظات أو اشتري اذا ماعندك
سوي الآتي :


ترمسين قهوة ....وتمر
سنبوسة ..تراها ماتصلح تحطينها بحافظة بتصير لينه .
شوربة
صحن فطاير حسب امكانياتك .
يفضل تسوين( رز ) ترى بعض الناس فطورهم لازم رز ..فسوي كبسة والا رز أبيض مع دجاج بالفرن واغرفيه بحافظته قبل وقت الفطور بنص ساعة .
صحن سلطة مشكلة جهزيها واغسليها بالليل وقطعيها الظهر مع ليمون مقطع على جنب .
فول بحافظة وبرضو جهزيه قبل وقت الاذان بحافظه ، وجنبه اغراضه زيت زيتون وصوص وشطة ...الخ ..وخبز تغلفينه ببلاستيك التغليف بعد ما تقطيعه أرباع .
نوعين حلى مثلا كريم كارميل + بسبوسة ..أو النوع اللي تعرفين له ..المهم لا يكونون متشابهين ...وسويهم من الليل .
وممكن تسوين صينية مكرونة صغيرة كتشكيل للسفرة ,,والمكرونة سويها من الليل عادي ودخليها الفرن قبل المغرب بساعة .
جهزي صحون لكل فرد للأكل وللشوربة
وكاسات وزيدي في العدد
ومناديل ..
لو كان فطورك على طاولة فحطي طاولة جانبية للمشروبات عشان ما تزدحم الطاولة .


لا تنسين الشاهي جهزيه على المغرب وحطوه في المجلس يشربونه عقب الفطور .


ولا تتوترين بتتسهل باذن الله ...

أنا في العزايم الكبيره مابحب اكثر اصناف عشان لايخوني الوقت وعندي اطفال
شوربة وسمبوسة ونوع سلطة تبولة أو فتوش
وصنف اساسي بكمية كبيرة مندي او اوزي او برياني او او وصنف جانبي مكرونة او كفته او منتو او صينيه دجاج


والحلى متعودة نوع واحد متعوب عليه مثل كنافة او قطايف او اي نوع حلى شرقي


غير التمر و٣ انواع عصير فيمتو وتانج وعصير طبيعي او قمر الدين او تمر هندي غير اللبن والموية
وطبعا الفول من بره

جزاك الله خير حبيبتي
مشكورة نبهتيني لموضوع المعجنات