فضفضة
تذكرون موضوعي الي قبل يومين قلت ضرتي بتزور زوجي في بيتي
.
تو طلعو من عندي هي وامها
كنت في بيتي وهم راحو عند زوجي في المجلس اخوها وهي وامها زوجي ارسل اخوه يسوي ذبيحة جونا بعد صلاة العصر ماكملو ساعه إلا فيه رجال داخلين عليهم وطلعو ووقفت في الممر هي وامها وفتحت الباب وناديتهم كانو بيروحون السياره وقلطتهم لو كنت مجروحه من الداخل بس حاولت اكابر وضيفتها وسولفت شوي مع امها امها طيبه وخلاقها عاليه .. بعد ماتعشم استاذنو ومشو وهي ماتكلمت معاي بشي بس سلام و يوم جات بتمشي استأذنت
جاء يتطمن عليها يحسب اني مسويتلها شي ويدخل علينا ويبتسم ابتسامه من الإذن اليمنى الى اذنه اليسرى الله يستر من هالبتسامه مدري ايش وراها لايخذني عندها ازورها او يحاول يقربنا من بعض ترى انا اعتبرتها ضيفه وضغطت على نفسي وضيفتهم رغم ان مجا منها شي ممكن تكلمت انا فيها كثير انا غيوره ادري بس كنت اتكلم اول عن العدل لان سوالها بيت في اسمها وانا البيت الي انا فيه بأسمه وماهو ناقصه مال عشان مايسويه
ولانه كان يروحلها اربعه ايام في الأسبوع وانا اجلس لحالي
بعد ماخلصو ومشو رحت عنده حصلتها جايبه ادويه وزمزم وعسل
وقالي ماقصرتي
ويلف الموضوع لها يبغى اجيب طاريها ويقولي ترى ام فلان قلبها طيب وماتعرف الحقد وماتلحق احد
قصده انها ماتجيب طاري قلت ايش تبغاني اسوي لها الله يستر عليها
مدري ايش قصده بمدايحه لها قدامي وايش يبغى من ورى المدايح والابتسامات يمكن بكره ابتلش عشان جلست معها كان مقالي روحي زوريها او تعرفي عليها
شاركي في النقاش
سجلي الدخول لإضافة تعليق.
التعليقات
54- الله يسعدك حبيبتي و يرزقك ما تتمنين انسي انها زوجته اعتبري جاك ضيوف و تعشو و مشو الله يستر عليهم و ما راح يقدر يجبرك على زيارتها او التواصل معاها
- ماقصرتي ... هذا من طيب اصلك ... ويمكن وقفتهم بالممر مستحين منك مو عارفين بتستقبليهم او لا ..
وممكن ماكان لهم نية يروحوا السيارة والا اشلون يروحوا والعشاء لهم
هونيها وتهون .. ان شاء الله ..
وبالنسبة للبيت قولي لزوجك تبي ترضيني اكتب البيت باسمي من باب العدل والدنيا موت وحياة ... ولازم تامن مستقبلي مثلها وتعدل بيننا
بس باسلوب لطيف ... ولو رفض اتركيه واستغلي موقف ثاني واطلبي منه وان شاء الله ما يصير خاطرك الا طيب
ومافيها شيء لو ضغطتي على قلبك يوم وزرتيها .. لجل عين -زوجك- تكرم مدينة
الله يوفقك ويكتب الود بينكم - الله يعينك
- ولا تشيلي هم ما راح يقدر يغصبك
- واذا جلس يمدح زوجته طنشييه
- واذا تبغي مني عليه انك استقبلتيها في بيتك لو وحدة ثانية ما طالعت في وجهها حتى ههههه امزح بس هم الرجال كذا يبغالهم كلام ثقيل
- انتي حرمه صح واخت رجال
وزوجك كبرتي بعينه والي سويته رفعك عنده اكيد
لان اكرام الضيف من شيم الكرام حتى لو عدوك
والله يسعدكن يارب ثنتينكن - سبحان الله ، الحمد لله ، لا إله إلا الله ، الله أكبر
اللهم صلّ وسلّم وبارك على نبينا محمد
سبحان الله وبحمده سبحان الله العظيم
أستغفر الله الذي لا إله إلا هو الحي القيوم وأتوب إليه (٣ مرات)
صاحبة الموضوع جزاك الله خير وجبتيهم
الله يبارك فيك ويكرمك
مواضيع مشابهة
تابعي تجارب أخرى من هذا القسم.