شاركي في النقاش

سجلي الدخول لإضافة تعليق.

التعليقات

645
  1. @shayb_syf

    معلمة اجيال
    ماشاء الله فصلك 24 بنت بس يابختك
    انا عندي 31 بنت وقابل للزياده اذا فيه بنات جدد
    الله يعين بس

    والف شكر على تحميلك للصور مره ثانيه ابشرك طلعت وسويت شوي منها وناويه اكمل الباقي ان شاء الله
    الله يعطيك العافيه ويسعدك يارب
  2. @dmaaat_alaayon

    بس ماتعتقدين انه من حق البنت تروح الحمام وتشرب مويه

    مافيها شي تخرج تشرب وترجع بسرعه

    تذكرين يوم كنا صغار اشكثر كنا نحب الطلعه للحمام او نشرب مويه ونحب موت الابله ترسلنا نجيب شي

    يعني احس انه مافي داعي للوحه اللي تمنع البنت من الطلعه للشرب او الحمام ترى التعليم مو تعقيد

    التعليم حب ليش نعقد الصغار حرام والله

    والف شكر على الموضوع واللوحات
  3. @maalm_agyal

    صاحبة الموضوع
    دمعات العيون
    بس ماتعتقدين انه من حق البنت تروح الحمام وتشرب مويه مافيها شي تخرج تشرب وترجع بسرعه تذكرين يوم كنا صغار اشكثر كنا نحب الطلعه للحمام او نشرب مويه ونحب موت الابله ترسلنا نجيب شي يعني احس انه مافي داعي للوحه اللي تمنع البنت من الطلعه ل…
    سحايب صيف
    عزيزتي مدارس التحفيظ صعب يكون فيه اكثر من 20 بنت واصلا 20 كثيرة لأنه عندنا تسميع يومي للمقطع اللي حفظوه تقريبا نص وجه للقرآن ولا تكفي حصة وحدة تسميع وإذا صاروا أكثر من كذا بتضيع الحصص كلها تسميع عرفتي قصدي!! وإذا سمعتي للبعض يتقاعسن البنات ومايحفظن لذلك نسمع يوميا لكل البنات

    الله يجعل عملك خاصل لوجهه الكريم وحياك الله يالغاليه



    دمعات العيون

    عزيزتي حنا ماحرمنا البنت المحتاجة أو المضرة بالعكس هاللوحة هذي خلت فقط المحتاجين يروحون أما اللعابات اللي بس تقليد اضبطتهن بالفصل وأنا ماطلعت هاللوحة من فراغ قبل العام عانيت كان عندي بنتين عندهم ظروف ولازم يطلعن للحمام وكنت أسمح لهمصاروا البنات يبون يطلعون زيهم فصعبة امنعهن وأنا سمحت للبنتين لأنهم مايعرفون ظروفهن وبغيت انهبل أحيانا يطلع 5 ويبقى بالفصل 8بنات صعبة أشرح وهذولي طالعات تعرفين هذولا بزران إاذ ماحفظوا بالفصل ماراح يحفظون بالبيت فبعد تفكير ومعاناة طلعت بهالفكرة بحيث غن اللي محتاجة تطلع واللي بس مجرد لعب تقعد بمكانها وتنثبر
    فهمتي يالغالية


    عزيزتي بقولك شي ماتتخيلين البنات كيف يحبون اللوحة ويموتون عليها عشان فيه توزيع بطاقات بالأخير والله إنها حببتهم فيني صاروا قبل يطلعون يجون عندي ويقولون معلمة حنا صرنا مانحب نغيب عشان ماتفوتنا البطاقات ووحدة قالت لي لو موب فيه اللوحة كان ماحفظت فصارت تعزيز بنفس الوقت ثواب وعقاب وصدقين إنها ماعقدت البنات نهائيا وماقد مرت علي دفعة إلا يموتون علي البنات بسبب لوحات التعزيز اللي أسويها لهم في الفصل حتى الأهالي تجيني منهم خطابات شكر وثناء لكن الله يجعل عملي خالص لوجهه


    لا شكر على واجب وألف شكر على طرح الموضوع للنقاش وحياك الله عزيزتي وأنا بالخدمة دائما
  4. @shayb_syf

    فعلا لوحة الحمام حلت مشكله نعاني منها كثيررررررررررر
    لان البنات يطلبون الحمام للنزهه عشان يتمشون في الممرات
    ومن يوم سويتها ماطلب الحمام الا بنتين بس والمويه بعد بنت وحده اللي طلبت من يوم حطيت اللوحه لليوم
    اول كانو يطفشوني من تقوم وحده تشرب قامو الفصل كله يبي يشرب حتى لو توهم جايين من الفسحه
    بس الحمد لله المشكله انحلت مع هاللوحه بفضل الله ثم بفضل عزيزتي معلمة اجيال الله يجزاها الجنه ان شاء الله
    حتى زميلاتي اعجبتهم الفكره ويجون زياره مخصوص لفصلي عشان يشوفونها
  5. ما شاء الله عليكي بالنسبة ( خطوات الادب والتميز ) ابي صورة خطوات بأسرع وقت ممكن لو سمحتي

تابعي تجارب أخرى من هذا القسم.