التجمع الثالث لمواليد نوفمبر وديسمبر ٢٠١٧ حياكم يالكروشات

التاريخ الي يقول 7 اسابيع هو حق حساب الدورة.
والثاني اللي حق 5 اسابيع هو حسبة السونار يعطيها حسب قياسات الجنين .
هذا اللي افهمه من سوناراتي قبل

انا الزم ماعلي ابشر امي واخواتي
وزوجي يبشر امه واخواته .
والناس الباقية ماله داعي بيكبر بطني وبيشوفون ويباركون لي وقتها عاادي

موضوع اسم البيبي
كنت قبل في عيالي طول ما كنت عارفة جنس البيبي على جول افكر مع زوجي باسم ونختار مايجي التاسع الا واحنا مستقرين عالاسم .
المهم باخر بيبي السنة هذي كنت متخذة نفس النظام اني مابي اعلم لييين اولد كالعادة
وبعض اهل زوجي وددهم يعرفون وش بنسمي ويحنون على ريلي يعلمهم
بس للعلم الحمدلله علاقتي معهم حلوة واعدهم اهلي ..
فمن باب الميانة يسوون كذا المهم كنا مختارين اسم ولدي خلاص قبل ما اولد ..
وسبحان الله قبل ولادتي باسبوع زوجي استسلم وقالهم عالاسم ولا إله الا الله ماعجبهم وشينوه في عين ريلي لين عافه 💔
ورجع قالي وانا زعلت اقوله كان تحملت مابقى شي واولد ونسميه حاله حال اخوانه
ولما ولدته طبعا ماسميناه وظل بدون اسم حوالي اسبوع محتارييييين شنو نسمي كانت ايام كريهة تنغصت علينا فرحته كنت حتى لما اتكلم عنه قول البيبي سوا كذا والبيبي محتاج كذا 😭


بعدها اخترنا انا وريلي اسم ماكان بالحسبة ابدا بس الحمدلله حلو
ولكن لازال ذاك الاسم بخااطري ووكله اشوف ولدي واتخيل لو كان اسمه الاول اللي اتفقنا عليه كان لابق عليه أكثر
بس سبحانه الله نصيبه مايتسمى فيه


ممكن بعضكم يشوف عادي شدعوة بس انا وقتها كنت متوهقة حيل نفس شعور لما يجي احد ويعفس خططك فوق تحت 💔

فإن شالله هالمرة ابدا ماني معلمة وحتى يصير مافي مجال تغيير أبي اسوي للبيبي لحاف واطبع عليه الاسم وكذلك شنطته
بس حتى يكونون بعد ولادتي عند الامر الواقع ويخبون اعتراضهم بقلوبهم

للحين ماقلت الا لامي وخواتي
ماعندي مشكله اقول بس اللي حولي ما يقولون لي فصرت احتفظ بالموضوع لنفسي لاكبر بطني يدرون