شاركي في النقاش

سجلي الدخول لإضافة تعليق.

التعليقات

1,943
  1. @pasta

    Um Nawari
    هلا مجد كل عيد نفس المشكله :( ما ينزلون عندنا شي عدل الاولاد اخذت لهم من ادامز اللي باللاند مارك كم بدله بس يمشون حالهم ونواري ماخذه لها تنانير من الامارات لما سافرت بالاجازه وركبنا عليهم بدييات من هني ابي ملابس للاولاد بعمر 13 و12 …


    اشوف اختي تاخذ لولدها من دبنهامز .. هو في ثاني اعدادي وانا بعد اخذ لولدي من هناك دايما
    نوعيه الملابس حلوه وماتتغير خاصه البنطلونات ...اظن اسم الماركه rocha
  2. @um_nawari

    مساج الله بالنور هلا وغلا قطراويه

    باستا تسلمين حبيبتي على الرد ان شاء الله باروح اشوف دبنهامز

    ام خالد يعطيج العافيه وانا باقول لاختي تدور بعد

    مجد شلون يلبسونها بس عبايه من غير شيله ؟ الله يستر ؟ اختي رايحه من كم يوم السوق تقول مدري
    احنا اللي غلط والا هم اللي غلط اغلب الموجودين سفور وميك اب بشكل مو طبيعي
    اهم شي انج مع ابو العيال ومسويه حراسه مشدده خخخخخخخخ

    لاتحرمونا من دعواتكم
  3. @pasta

    Um Nawari
    مساج الله بالنور هلا وغلا قطراويه باستا تسلمين حبيبتي على الرد ان شاء الله باروح اشوف دبنهامز ام خالد يعطيج العافيه وانا باقول لاختي تدور بعد مجد شلون يلبسونها بس عبايه من غير شيله ؟ الله يستر ؟ اختي رايحه من كم يوم السوق تقول مدري …

    بالنسبه لملابس العيد حاولت هالمره لما سافرت في الصيف اني اخذ لي ولعيالي
    وخذت بس باقي اشياء بسيطه ...بحاول اكملها هالاسبوع ...

    وزوجي بصراحه مايحب يروح المجمعات في رمضان ... من الي يصير هناك ومن
    السفور ..عشان جذيه دايما احاول اخلص اغراضي قبل او اروح مع خواتي
    وافضل وقت هو الصبح ( للي ماعندها دوام )



    ام نواري ... توني اشوف سؤالج عن الصبغ والاثاث ...والستاير
    انا الحين بدش في هالمعمعه <<<<<<< حلوه :42:
    امس وحده من صديقاتي تمدح لي المحلات الي في الريان في شارع السلام ...
    واسعارهم حلوه ...وترى هم نفس الي في الدوحه وبعض المحلات كانت اساسا في الدوحه
    وجاها القص ..وطلعوا من هناك ومريت عليهم بس مرور مادخلت ولا محل والله الاشكال
    روعه ...بس مادري عن المضمون ...

    بالنسبه للصبغ ..الحين تعاقد ريلي مع واحد يسوي معجون ومادري هل هو بيصبغ ولا لا
    وجاري البحث لحد الان ....


    اما الاثاث ...وهو اصعب شي وشايله همه وايد ...
    شفت شغلات وايد حلوه في الدانه جاليري الي في السيتي سنتر..
    ناويه اخذ منهم بصراحه وايد عجبوني ..روحي المحل وبتلقين اشياء حلوه ان شاء الله
  4. @pasta

    قطراوية
    مساكم الله بالخير اخباركم يا بنات؟؟
    طيبين الله يسلمج ...انتي شلونج ؟؟وشخبار اليهال
    وشخبار الدوااااااام ...

    تصدقون بنتي في مدرسه مستقله من اسبوع مطرشين لنا ورقه ان اجازتهم من 20 رمضان
    يعني قبلنا بأسبوع ...ودوامهم بعد العيد قبلنا بيوم ...


    اليوم ضحكتني بنتي قالت لي يمه عطونا عين :hahaha: غيروا اجازتنا
    شفت الورقه الا محددين الاجازه مثلنا ....
    والمدرسات والطالبات مستانسين من اسبوع ان اجازتهم قبلنا ....:hahaha:

تابعي تجارب أخرى من هذا القسم.