مشكلتي اهلي يكرهون بنتي وزوجي يبي الفكه منا

حرام عليكي ليش كدا ع بنتك تحلي كل شخص يضربها كدا بيكون ماعندها شخصيه لاتسمحين لاحد يضربها وبيت اهلك لاتروحي دائما وادا سالو عنك عادي قولي السبب وبيني انك متضايقه وادا ع زوجك صرفيه وقولي ماارتاح الافي بيتي وبنتي كمان تحب البيت وتحب تلعب بالعابها وانا عندي شغل وترتيب وادا بروح مح اطول ساعتين بالكثير عشان اطفش يعني اي اعذار بس نصيحه لاتقولي له العذر الحقيقي والله يعينك اهم شي بنتك احتويها ولاتخلي احد يتجرا ويمد يده عليها

لاتروحين بيت اهلك في الشهر او الشهرين الا مره
ومن طلع من داره قل مقداره وليش ماتكلمينهم انك تحبين بنتك وماتبغين احد يأذيها سلامات
وش ذالسلبيه فيك يضربون بنتك ويهينوها وانتي ساكته خافي من ربك
لو اخذتي موقف مره منهم والله ماعاد يقدرون يسوون لها شي

الحل بسيط قللي زيارات اهلك اذا تروحي كل يومين روحي مرتين بالاسبوع ولا تطولين وخذي كل شي تحتاجينه بالبيت عندك واجلسي مع بنتك العبي معها اطبخو تفرجو تلفزيون حاولي تعززين ثقتها بنفسها وانا اقترح تدخليها حضانه ممكن تقوى شخصيتها اما بيت ابوك اذا ما تبين تكلمينهم وبنتك هاديه كذا فليس يضربونها ماني فاهمه ؟؟؟ او يمكن من النوع اللي يفضلون الولد على البنت كلمي امك بشويش عادي هاذي امك او خلي البنت جالسه جنبك وجيبي لها الوان وكراسه رسومات.

ماراح ازيد علي كلام البنات كفوو ووفو بس اشغلي نفسك روحي انتي وبنتك تحفيظ قران كل عصريه تشغلي نفسك من الزيارات اللي مايجي من وراها الا وجع الراس وتريحي نفسك من زوجك اللي يبيك تطلعي من البيت اطلعي لمكان تستفيدي منه دنيا واخره وربي يهدي النفوس

خليك في بيتك ولا عليك من زوجك روحي قليل زيارات واذا سألو أهلك فرصة توضحي لهم قلي أخاف بنتي تضايقكم وانا مااتحمل أحد يضربها. .في المقابل طلعي بنتك ملاهي تعرفي على ناس عندهم اطفال في سن بنتك. .. أما تحملي نفسك فوق طاقتها علشان زوجك يفتك أو أهلك مايزعلون والضحية الطفله ماينفع لا زم تتكلمي. .. الله يهدي أهلك ويسخر لك زوجك ويحفظ بنتك