سالفة امي معي بالشبكه ونظرة الناس للي ماتزوجت نظرة حزن وودهم يقولون عظم الله اجرك :)

بسم الله الرحمن الرحيم

اللي حابه تقري هالروابط قبل لاتقري موضوعي افضل
https://www.hawaaworld.com/showthread.php?t=462986...اختي اللي اصغر مني بس كلنا كبار طبعا انخطبت ماشالله تبارك الله وسوينا حفله بسيطه ملكه وانصدمت انه امي تتهرب مني ماتبي احد يشوفني تخيلوا قريبتنا جت وامي تقول لاتسلمين روحي اي زاويه اقعدي فيها !!
كيف اقعد بزاويه وحنا اهل العروس وماراح نسوي زواج خير شر اصلا للظروف الماديه بنكتفي بهالحفله البسيطه انا طنشت امي وسلمت علي المعازيم لانه والله عيب اجلس بزاويه واسوي نفسي ما اعرفهم كيف اصلا مره ماتجي
مرت الحفله بسلام وامي تطالعني باستحقار طول الوقت مكشره كنها شامه شي خايس
بعد كم يوم الحفله لقيتها رجعت تدقدق علي الخطابه عشان تزوجني باي طريقه والان هي داخله طالعه بكلام وقرقره وازعاج ببيتنا عشان ابوي يغصبني اتزوج
اللي تقول وش فيه الخطابه يابنات الخطابه مايها شي ابدا بس انا جاريت امي سنتين مع الخطابه وجابت لنا ناس مايصلحووون وامي برضوا ماجازوا لها بس من درت عيال اخوانها اللي تلمحح لهم ي امهاتهم مايبون اقارب تملكوا خلاص تبي با طريقه تزوجنا كنها متفشله او مدري عنها مع اننا والله ثم والله ما افكر فيهم ولو جوني ما ابيهم لاني ما ابي اتزوج اقارب ومايصلحولنا اصلااااا
الفتره هذي عندنا كذا مناسبه لاقاربنا واحنا لنا زماااااااااااااااان عن المناسبات بس لانها اقارب درجة اولي مضطرين نحضر وامي ماغير تطالعين بستحقار وكنها شامه شي خايس كاني فوق راسها
وكل شوي تقول ليتكم ماكملتوا جامعه وتزوجتوا وخلصت منكم هم البنات للمات الله يلعني يوم خليتكم تكملون جامعه وتتوظفون كان تفكيري غلللللط
وتعصب وتدق علي صديقاتها انا بناتي ذولي مافيهم خير ومدري ايش وكلام وقصص غريبه عجيبه انذهل وانا اسمعها من بعيد
يابنات امي هذي وش اسوي فيها انا بصبر عليها وهذا الحل ادري والله بس وبعدين يعني الي متي بتكتمني بهالبيت وماتبيني اروح ولا اجي الا للدوام وكانت تبي تفصلني زي ما انتوا عارفين قبل بس قسط السياره تذكروه --وابوي رفض لانه بيتورط الحل يابنات فيه احد مثل قصتي
------------
بنات اقاربنا بحفلة الملكه (اهل امي )يطالعوني بنظرة حزن لدرجة مسكت ضحكتي تذكرت المنتدي وكلام البنات عن الاقارب > لاني من زمان عن الجمعات
اكثر شي بغيت افقع عليه ضحك يوم قالت قريبتنا تري بيجي رزقك ؟؟؟ بغيت اقولها انا داقه عليك وانا ما ادري وشكيت لك الحال ؟؟؟ هههههههههههه
قلت لها ايه ايه صدقتي وانا ماسكه ضحكتي مستغربه وهي قعدت تطالعني حست اني شوي خبله ما اكذب عليكم وراحت :)
اما اقاربنا الثانين اللي منفحتين شوي ومؤمنين بالقسمه والنصيب وبناتهم وعيالهم مثلهم كانوا عادي معي سلموا ورقصنا مليون مره وعادي وضعهم وعندهم بنات بالثلاثينوالاربعين مو متزوجين ومطلقين ومؤمنين انه نصيب وعايشيييين ماشالله ماشالله
ودي اعرف بس المجتمع وش تفكيرهم بالضبط اي وحده ماتزوجت لازم تصك عليها بابها او تمسك زاويه وتبكي فيها عشان يرتاحون ليه يبون اللي تطلع وتروح لازم تكون متزوجه غيره ماينفع وعيب وشق جيب ونين احنا عايشين احنا ب٢٠١٧ ليش فيه ناس بهالعقليه هذي الرجعيه
اغلب المجتمع فيه امراض نفسيه والله من كثر العقد والعادات والتقاليد اللي ما انزل الله بها من سلطان
والله المستعان واتمني ما اطلت بالموضوع لكن شي بلخاطر وقلته وسامحوني لو بدر شي مني زعل البعض