❤تجمع نفوسات وامهات مواليد مارس وابريل ٢٠١٧❤

هلا حبيبتي كيفك وكيف البنوته

مساء النور
الحمد لله طيبين
أنا استخدم غسول بيتادين مرة في اليوم ومرة ديتول الصبح ومرهم فيسودين مرتين وميبو مرة وحده
واشرب اعشاب مع أني خلاص احس لاعت كبدي منها غصب اشربها
شمر وحلبه ويانسون مع بعض وقشر وقرفة وزنجبيل مع بعض
الكبو وذي الاشياء مااعرفها

قبل الولادة بأسبوع كان ينزل عليا دم بدأ من الأربعاء في الليل والأحد روحت للدكتورة وكلمتها قالت نستنى عليك الين نهايه الأسبوع وسوت لي تحريض وكان جسمي منفخ حتى بطني انتفخ كثير سوت تحاليل تطمن وقالت اجي للنتيجة يوم الثلاثاء ماعاد روحت لها يوم الأربعاء تعبت أكثر ونزلت قطع دم وكلمتكم وروحت المستشفى قالت خلاص لازم نولدك ماعاد نقدر ننتظر شافت الرحم مقفل سوت تحريض وجلست اتألم اربع ساعات ولا ولدت الصباح يوم الخميس جات سوت تحريض وقالت ع الساعه واحدة نعطيك طلق أخذت اول جرعة طلق جل ولا في الم وتجي تسوي تحريض والم بدون ولادة قالت خلاص ممنوع الاكل الرحم ما فتح وانتي ما تستجيبي يمكن نحتاج عمليه والساعه 6 المغرب جات سوت تحميله بدأ ألم خفيف قمت لبست عبايتي وخرجت امشي في المستشفى واطلع الدرج نص ساعة ورجعت غرفتي كنت حاسه بضيق وابكي كلمت زوجي قلتله نفسي ضايقه تعال وجيب العيال لي شهر ما شفتكم قال خلاص احنا في الطريق قلت الحمدلله بعد العشاء طلعوني قسم الولادة يسوو تخطيط جات الدكتوره تشوفني الرحم مفتوح 1سم بس والطلق واصل 100 وانا مره تعبانه ماعاد كنت اقدر اتنفس قالت للمناوبه ليه تتفرجو عليها ما تعطوها مسكن الحرمه تعبت قالت احنا نستناكي راحت جابت ابره حطتها لي في المغذية صرعتني الابره حسيت يدي تحرقني وراسي كأن احد خبطني عليه صحت وقلت يا دكتورة بموت من الابره شيليها بسرعه قالت بسم الله عليك ايش تحسي وع طول فكتها وجابت ابره في العضل قالت تلين الرحم وقرأت عليا شوي وهدأتني الين بدأت احس ماعاد اقدر اتكلم بس اشوف اللي حولي واحس بطلق خفيف وجلست عندي تراقبني وتقيس الرحم الين الساعه 12 في الليل قالت خلاص الرحم ما يفتح لسى 2 سم ماعاد نبغى نتعبك تحريض وطلق انزلي غرفتك ارتاحي وكلي وانا اجيك الصباح اشوف وضعك نزلت الغرفة والدكتورة طلبت لي اكل وراحت بيتها شفت الاكل ما قدرت اكل راح اخويا جاب لي اكل من برا ولا قدرت اكل تعبانة واحس اني في عالم لوحدي قلتلهم جيبو عيالي كنت أخاف اموت وانا ما شفتهم كلمو زوجي قال خلاص قريبين واختي تقرأ عليا وتحاول اكل والا اشرب وانا خلاص ماعاد اقدر ألم شديد قلتلها نادي الدكتورة تشوف كم مفتوح نادتها وجات تشوف تقول لسى 2😭خلاص جاني إحباط والألم ماعاد اقدر اتحمله قلت خلاص ادوني مسكن ودقو على الدكتورة تجي تسوي لي عملية ادوني مسكن ولانفع وصلو عيالي وزوجي الحمدلله شفتهم واطمنت جلس زوجي يقرأ عليا وفجأة حسيت خلاص بيخرج النونو كنت اصيح بصوت عالي ألم مايطاق واحس بدف جات الدكتوره شافت الرحم قالت 9 يلا ولاده طلعوني بسريري لغرفة الولادة ماعاد قدرت اقوم جات الدكتورة فكت المويا وسحبت النونو وجلست شوي تشوف الحبل السري وراحت تجيب علب تحليل أخذت دم من الحبل وخرجت المشيمه وسوت لي قسطرة الحمدلله هدأت خلتني نص ساعة في غرفه الولادة وبعدين لبسوني وطلعوني غرفه ثانية ودخلوا اخويا وزوجي وعيالي وزوجي يقول خلي الدكتورة تسوي لك ربط ماعاد نبغى عيال هو أول مره يشوفني أولد الحمدلله شفت بنتي في حضني ارتحت الله يحفظها ويحميها من امس سخنت والمشي ما اقدر امشي تمام وظهري كله من فوق لتحت ألم عشان كذا طولت ما عاد دخلت طولت عليكم بالكلام طفشتكم

بنات احس شي قاسي من تحت السره الين أسفل بطني زي الكورة في مكان واحد بس انتو تحسو كذا؟؟؟

الحمد لله تمام كيفك وكيف ولدك