ام زوجي متسلطه وغيوره بدأت اكرهها

نفس اللي عندي بس والله ماخليتهم اني وقفتهم عند حدهم
حبيبتي الا امك كان صرتي مثل المجنونه صرخي يا ناس امي والله ان يوديك
حسبي الله ونعم الوكيل
الله يعينك عليهم وجعل مثواها جهنم الحمرا

الله يعينك الغلط عليك وعل زوجك

عليك ضعيفه شخصيه انا مع اااحسان لام الزوج لو كانت متسلطه اذا ولدها مايسمع الملام ويحشم زوجته ويقدرها لكن انتي الاثنين عليك

زوجك غلطان ضعيف شخصيه مثل البزر يسمع ويطبق

شي عودتيهم عليه لك سنين صعب يتغير بيوم وليله

الله يعينك

ياخوفي صبرك يطلع عل فشوش وبيوم تقول طلقها ولا تزوج عليها ويسويها

والله كنك تتكلمين عن امي زوجي لكن ام زوجي مختلفه شوي عنها بتواصلي مع اهلي بالتلفون يعني دايما توصيني اكلم امي واكلم ابوي وخواتي فقط.. انما الروحه ودها اني ماروح وزوجي انسان فاهم ومتزن لذلك ياخذها بسياسه الين ماتعودت على نظامنا.. عشان تحلين مشكلتك تقبليها انتي مو متقبلتها انتي في داخلك مركزه عليها لذلك هي موجوده في حياتك اقعدي بينك وبين نفسك وخذي نفس عميق واعلني بينك وبين نفسك الحب لها وانك مسامحتها على كل شي صار وانك اسفه على كل ماصار بينكم بعلمها واللي بغير علمها واشكري اللحظه اللي خلتك تعلنين التسامح. والله انا مجربه هالطريقه ونفعت معها.. لانه احيانا نكون احنا سبب لوجود الاشخاص في حياتنا نحشرهم في تفكيرنا ونتكلم من وراهم مع الاخرين لذلك يتواجدون الناس اللي نكرهم بشكل مركز بسبب كرهنا لهم لكن لما نعلن الحب لهم يروحون ويخف تواجدهم.. اليوم انا مرتاحه في حياتي بعد 3 سنوات زواج وام زوجي اقولها يمه واكرمها في المجلس قدام النسوان والله اني احب راسها ويدها والله ان يد امي اللي جابتني مقد حبيتها، واذا جيت في بيتها ماخليتها تقوم ولا تشتغل انا اللي اسوي عشاها واغسل مواعينها ولا قد جيت الا و بيدي قهوتي وحلاي ترى الخير يغلب الشر لو استسلمنا له الشر بيعم حتى ان زوجي متزوج قبلي حرمه تعالي شوفي وش تسوي بام زوجي هاجرتها وتاركتها ولا زيارات وشوفي ام زوجي كيف تكرهها وتتكلم من وراها عكسي انا اللي كل المجالس تتكلم عن طيبتي وسناعتي معها وهذا كله بفضل الله ثم بفضل ام زوجي اللي تقولي والله بتشوفين الخير اللي بيجيك اذا صرتي مثل سني.. انا ماكنت اتقبل انتقادها خاصه انها عايشه في بيئه صحراويه صلبه وتربت على الصوت العالي والصرامه ومع ذلك لانت معي وصارت مختلفه في تصرفاته وصارت مثل الصديقه لي.. اللي مثل عمرهم عاش زمن مختلف لذلك لازم نقدر زمنهم ونتقبل وجودهم.. كنت اقول ياربي بتجي تسكن عندي اذا كبرت لانها عايشه في بيت لحالها وكنت اتضايق بس من التفكير في مسأله سكنها عندي لكن الان حياها الله اذا ماشالتها الارض اشيلها فوق راسي.. اسفه على الاطاله.. انا ماقلت هالكلام عشان اغيضك او شي انما اقولك انك على حق وكل الكلام الي قلتيه اكيد صحيح لكن مايمنع اننا نجرب طريقه مختلفه في تعاملنا مع الاخرين جربي واعطينا تجربتك..

اختي ربنا يعينك وينصرك نصرا عزيزا ...اختي ما لكي غير الله اجعلي لسانك يلهج بالذكر طوال اليوم واكثري من لا حول ولا قوة الا بالله وحسبي الله ونعم الوكيل. .والصلاة الإبراهيمية افرشي سجادتك في الثلث الأخير من الليل وصلي بسورة البقرة في أربعة ركعات واشكي همك ووجعك إلى الله والله سميع الدعاء وانتي ساجدة ادعي بي ربي اني مغلوب فانتصر ويا من ألفت بين قلوب المؤمنين الف بيني وبين قلب زوجي وأصلح ذات بيننا وأهدينا سبل السلام. ..استغفري كثيرا لام زوجك كلما مرت بخاطرك قولي اللهم اغفر لي ولها وستتحول بإذن الله من عدو إلى حبيبة واجلسي بينك وبين نفسك وحاسبيها ونحن كلنا بنخطي ونذنب توبي إلى الله من الذنوب لأن ما نحن فيه بسبب ذنوبنا ومعاصينا وفي الدعاء نقول ربنا لا تسلط علينا بذنوبنا من لا يخافك ولا يرحمنا. ..أسأل الله أن يفرج همك وييسر أمرك ويهون لكي كل عسير