تجمع و تباشير مواليد مايو و يونيو الـ٢٥

فعلا كلامك الدكتور اللي سوا لامي العمليه التجميله قال لها كذا وقفي حمل واذا مفكره تحملي تولدي قيصريه لان المكان صار مره ضيق

سبحانه الله الولاده تساهيل من الله انا موافقه أتألم لين اقول بس بالبيت ولا يكشفون علي كل اشوي
ولا اولد قيصريه اعوذ بالله

يالله يرزقنا الولاده السهله

احنا مدارس ابتدائي والروضه عطلو اخر شي داومو هالاسبوع

بنات لي اسبوعين من ولدت لكن الخياطه عندي التأمت من جهة فتحة الشرج
اما اللي جنب الرحم ابدا مالتحمت وتوجعني ايش اسوي فيها
هل عشان مكان خروج الدم ولا التأمت ؟ او يبيلها وقت اكثر ؟؟
علما ان معي كحه اذا كحيت احس بالم بذي المنطقه القريبه عند الرحم

الولاده من وحده لوحده تختلف مثل الطبيعي شوفي انتي تشتكي من الولاده الطبيعي وغيرك يمدحها وجاتها ولاده سهله
نفس الشي القيصريه بل هي العن ليش لان تسبب لك مشاكل بالمستقبل اولا تشوه البطن ثانيا من قالك اسبوع وتطيب! ذَا جراحه من الخصر للخصر ياخذ وقت وغالبا اللي ولادتها قيصري يطول نفاسها واسألي مجرب والله انه موت نوم ماتنامي ماتعرفي تضحكي ولا تصيحي ولا تعطسي اذا جاتك العطسه كان ملك الموت جاي ياخذ روحك
وغير الحمام تصيحي اذا جيتي تسوي شي

والشي الثالث يسبب ألتصاقات ومشاكل كثير مثل البطانه المهاجره وانا سبب لي هذا المشكله قام يطّلع لي دم من السر بعد الولاده واستمر محد عارف المشكله وكان الحل احمل مره ثانيه عشان يتأكدو وفعلا حملت وقف الدم اللي ينزل وقت الدوره من السر

والشي الأهم ولاداتك معدوده واحتمال تتعرضي لاستأصل الرحم اذا لصقت المشيمه على الجراحه

انا اللي مثل حالتي وحالات ثانيه ماتقدر تولد طبيعي ربي كاتبه وقضاء وقدر ماتقدر تسوي شي الا تولد قيصري
بس اللي يقهرني اللي عندها طرق تولد طبيعي وتدور القيصريه بحجه اقل الم
والقيصريه مانوجدت الا لضروره بعني حياتك او حياه البيبي بخطر مو على انها تخفف الالم او ترتاحي من الم غلط غلط هالتفكير