جالسه قبل شوي اتفرج على سنابات وحده بيتها مستواه عادي جدا جدا وتسوي مسابقات على عشره الاف وجوالات ومدري وش !! واحس حالتها الماديه يعني
ومع ذلك اكثر من مسابقاتها مافيه وايفونات ومكياجات وفلوس كاش ..
طيّب شوفو لو كنت مشهوره وحبيت سنابياتي وجماهيري اصرف عليهم بالهبل كذا شي ماينصدق !
وحتى لازم تنشرين حسابها وتصورين الشاشه علشان اثبات لدخول بالسحب
ومايهمها الناس الثانيه والازعاجات ولا يهمها شي !!
اهم شي تجمع متابعين علشان تكثر اعلاناتها بعدين .. انا والله لو مشهوره بسوي زيها علشان بالنهايه رزق لكن صايرين لدرجه ماتنطاق والله اعلانات بالهبل ومسابقات وخرابيط ..
انا المشاهير اللي عندي خلاص على وشك احذفهم كلهم من كثر مايراكضون صبح وليل للاعلانات والمسابقات صايرين مملين لدرجه لاتطاق
انتم وش رايكم بالموضوع ذا
شاركي في النقاش
سجلي الدخول لإضافة تعليق.
التعليقات
5- عندي اي مشهور تكثر اعلانتهم احذفه بلا تردد
- الحمدلله ماعندي الا 2 طبخ وخلطات اما الباقين مايلزموني تفاهه وكل اسرارهم برى
- كل المسابقات علشان تجمع متابعين وزي ماقلتي تكثر اعلاناتها وياكثر ماشاركت بالمسابقات ولا مره فزت ❤️
- المشاهير احنا الي نصنعهم
فلو كل شخص حذف التافهين منهم والي حساباتهم اعلانية لا فائدة من متابعتهم الا ضياع الوقت والحسرة
حتختفي ظاهرة مشاهير السوشال ميديا ويرجعو الناس لعقولهم - هي منافع ومصالح مشتركه
وسيله للتسوق جديده .
بدل مانتابع اعلانات التلفزيون
نشوف اعلانات السناب
المشاهير مجرد وسيلة توصيل لمنتجات الشركات وعروضهم
ونحن الفئه المستهدفه
وكل مازاد عدد مشاهدين المشهور
زاد عدد اعلاناته وبالتالي زاد عدد امواله
وبالتالي زادت عدد زياراتنا للسوق ☺
مواضيع مشابهة
تابعي تجارب أخرى من هذا القسم.