للمطلقات استفسارات جاوبوا عنها واللي تعرف مطلقة تدخل

اختي لا تحزني ولا تكثري التفكير ولا تكوني حساسة
بنفس الوقت لا تسمحي لاحد يجرحك بكلمة
وخليك قوية لان الزواج والطلاق مكتوب من الله
اكثري من الدعاء والاستغفار وربي بيرزقك ان شاء الله عاجلا غير آجل
بالعكس اعتبريها فترة نقاهة عن زواجك الاول وان شاء الله هذه المره يكون الاختيار كويس وعندك خبرة

في عيلتي كثير مطلقات ومعاي بالدوام بعد
وعادي الوضع


منهم الي تزوجت ومنهم لا


اهم شي ما تأخذين الا واحد مقتنع فيك ومقتنعة فيه وزواجة زينة مو علشان تتخلصين من لقب مطلقة تورطين عمرك بزواج فاشل


والأهل يلعبون دور صح بس انتي بعد لا تقعدين تفكرين وتلومين وتتحسرين وتعطينهم وتعطين نفسك مجال لهالشي


اذا قدرتي توظفي واطلعي وعيشي حياتك وكوني عالم وعلاقات لنفسك
وتذكري يختي انه العمر مرة والحياة ماتوقف على احد ومو رجل الي بيخليك سعيدة ولا يتعسك


وربي بيحميك ويرزقك الي يعوضك ان شاء الله

بنسبه لي مالي الا كم شهر مطلقه بس عادي ماشوف وضعي فيه فرق عن قبل ماتزوج الحمدلله شخص ماتفقت معاه وانتهى بطلاق مايدري الواحد لو خيره من ربي العالمين ولا اتوقع بعيد فكرة زواج لان اول شي عندي عيال ولا راح يخطبني الا واحد متزوج وثاني شي مابغى عيالي ينبهذلون وياخذهم ابوهم ابغاهم يعشون احسن حياه
بس انا مركزه بنقاط والحمدلله مشيت عليها اول شي حطيته براسي الطلاق ماهو عيب ولاهو جريمه سويتها عشان انكسر وناس تشوف ضعفي فبمقدورك توضحين لناس اللي حولك قوتك مو ضعفك واروح واطلع واضحك والحياه مستمره حتى ماحد صار يتجرء يعيد موال الطلاق

اقرأي سوره البقره كل يوم واستغفار
انا قراتها وانخطبت ورددي دعاء موسى عليه السلام ربي اني لما انزلت الي من خير فقير

يا حياتي الله يسعد قلبك ويفرحك يارب