مشكلتي فالطبخ والبهارات

لا اذا تبين شوفي بهارات اللي بالكيلو حتى الفلفل والكمون كلها خذيها بالكيلو حطي منها عندك في العلب حسب استخدامك والباقي خليه في الفريزر او عندك بهارات البحرين تجنن اذا تعرفين احد في الشرقية او يروح البحرين خليه يجيب لك تجي علب صغار فيها أشياء كثيره فلفل اسود كمون كزبره فيها فلفل احمر بهارات الدجاج وبهارات اللحم وبهارات السمك وليمون اسود تجي علب صغيره او موجوده وفيه بهارات مجدي الي تجي في كيس جميله خليني اعلمك شلون تكون بهاراتك عشان طبخك يصير زين اشتري ليمون اسود كامل دارسين او أعواد القرفه الكامله حبات فلفل أوراق غار كيس هيل حب كزبره حب حطيهم في علبه والليمون الأسود في علبه وخليهم عندك عند الطبخ حطي منهم مع الكبسات واللحم والدجاج ىخلي دايم في فريزرك فلفل احمر وأخضر حطي مع أكلك خاصه الكبسات ووقت سلق الدجاج اي شي تبين تسألين عنه اسألي احنا هنا زي الأخوات

موضوع مُفيد شُكراً ..

ارسلت لك خاص رقم وحدة تسوي بزار القصيم وهذا للحم والإيدامات والأكلات الشعبية.
وانا يعجبني الكاري شوفي علبته صفيح خضراء ممتاز وحرارته بسيطةمرة أحطه مع الزنجبيل البودرة ماشاء الله حلو في الايدامات وكل الوصفات الهندية..وفيه بهارات المسالا هندية من ماركة مهران بعد بس كلها تجي حااارة.
بهارات الشوربة حقت إسناد حلوة وتعطي نكهة حلوة للشوربة ويجي معها كم كيس عشانها حب مو مطحونة.
اما البيتزا والاكلات الايطالية فمعروف بهاراتهم زعتر نعناع ناشف روز ماري اطحنيهم وحطي منهم عالباستا وحشوة البيتزا ..
والصيني صلصة الصويا خوذي الحلوة عشان ماتخربط عليك الملح ..وفلفل اسود أو ابيض وممكن شوي زنجبيل .
ولازم تجربي ولاتخلي كل الأكل بهارات وحدة نوعي .