السلام عليكم ورحمة الله
بدا من هذا اليوم يتم على وفاة والدي حبيب روحي وسعادة قلبي عشر سنوات
عشر سنوات وكل يوم فقدانه اصعب يكون لي من أيام وفاته الأولى
عشر سنوات مانسيت ضحكته وحنانه وحبه لي
تزوجت وصرت ام وتزوجت رجل حنون وماعوضني عن حنانه أي انسان بالكون
افقده جدا جدا خصوصا لاقترب رمضان او موسم عيد يشتد علي الحزن اضعاف مضاعفه
ابكي عليه لاصرت لحالي وزوجي بالدوام لاني اعرف مهما كان حولي من البشر ماراح يصبرني اي احد ولا اي كلمة خصوصا ان مايتفهم هالشيء الا انسان فقد له عزيز بالدنيا
الحياة ناقصة جدا بدونه لاسفر ولاعيد ولا اي شي يسذ مكان ابوي حبيبي
كنت مودعته لما كان بالمستشفى اخر ايام مرضه بعد تعرضه لحادث كنا متوقعين انه تحسن وبيتشافى سلمت عليه واعتذرت اني ماراح اجي عشان عندي اختبارات نهائية في الثالث ثانوي سبحانك يارب وكأن ابوي يسهل لي الدنيا حتى بوفاته ماتوفى الا لما اختبرت اخر اختبار واستلمت شهادتي الي تعتبر اول فرحة تخرج ومن ذيك الفرحة الناقصة استمر كل شي حولي ناقص الله يرحم صاحب الوجه البشوش رب ارحم والدي عدد مابكيته وعددت ماغاب عني وعدد ماسجد لك عبادك وعدد حزن قلبي عليه
شاركي في النقاش
سجلي الدخول لإضافة تعليق.
التعليقات
9- الله يرحمه ويسكنه فسيح جناته
ادعي له وتصدقي عنه واذ قدرتي اخذي عمره عنه هذا الي بيفيده بقبره - الله يرحمه ويصبرك
عشر سنين كافيه انك تنسين حزنك حرام عليك اللي تسوينه
استغفري ربك ليش كل شي وصفتيه باانه ناقص ??!!!!!
وجود امك واهلك يعتبر ناقص ووجود زوجك واولادك وعافيتهم يعتبر ناقص
امنكم وامانكم واستقراركم لاتشكون مرض ولاقلة حيله يعتبر ناقص
....راجعي نفسك الله يهديك ...تصدقي عنه وعيشي حياتك ومواسم الخير اعتبريها فرصه لك انك تصدقين وتدعين مو فرصه انك تذكرين وتبكين!!!!!!!
الله يرحمه ويغفر له
- الله يرحمه ويرحم جميع أموات المسلمين ويغفر لهم
- الله يرحمه تعودي من ابليس هذا من الشيطان يبيً يحزنك مايجوز حاولي كل ماحزنتي استغفري ربك وتذكري النعم اللي حولك وان هذي دنيا مصيرها تنتهي وتلاقينه بالجنه غيرك كثييير فقد احباب وأولاد لكن الصبر ثم الصبر هذا ابتلاء من الله يختبر صبرك عيشي حياتك حرام تقضينها حزن بأول عمرك وتصدقي كل ماتذكرتيه ترتاحين شوي
مواضيع مشابهة
تابعي تجارب أخرى من هذا القسم.