تجمع أمهات الأشبال بإذن الله ❤👼🏼

اليوم وانا رايحه اطلع بنتي الثالثه من المدرسه شفت مدرستها عجوز تجنن

شافت بنتي الرابعه جلست تلعب معها قالتلي انتي محظوظه بالدنيا

عندك بنتين قمر انا نفسي بريحة بيبي قلت لها عسى المانع خير

قالت مرتين تزوجت ومن 20 سنه وانا اتمنى اشم ريحة بيبي لي

قلت تبني قالت خلاص انا بعمر صعب اتبنى انا بعمر ابغى من يرعاني

جد يابنات طلعت من عندها وانا ابكي حنا نتشرط نبغى ونبغى

والي معها كل الجنسين تطمع وتبغى اكثر الانسان خُلق هلوعا

نحمد الله على نعمة الانجاب ونحمد الله على نعمة الخلق الحسن

وبركز على نعمة الخلق الحسن

فيه وحده قريت قصتها هنا بالمنتدى تقول معي بنتين ونفسي احمل واجيب ولد

وتقول كل ماحملت سقطت وكنت اصيح وابكي سقطت خلال سنتين اكثر من خمس مرات

وماعرفت هالشي الا بعدين ان الطفل لما يجهض يكون فيه خلال او تشوهات وهالشي رحمه من ربي وحنا ماندري

وحملت وتم الحمل الحمدالله وطلع ولد مثل مابغى بس الصدمه يابنات انه مشوهه مافيه مخ

سبحانك ربي تقول طلعت من الاشعه بالشهر الخامس منهاره ابكي مصدومه وفعلا نزل وطلع نفس كلامهم

وتقول بعد الحمل صار عندي فوبيا وصرت اكره الاشعه واكره المستشفيات بكبرها

وراح هم الولد وصرت بس ادعي الخيره لي وتمام الخلق

اقولكم هالكلام وانا نفسي بولد ماكذب عليكم

وياربي ترزقني وترزق من يتمنى

اخر بنت لي سمتها جدتها فرح وكنت مابغى الاسم بس ماحبيت اكسر خاطرها

وبنفس الوقت اول ماشاع اسمها قال اخوي تكذبين على روحك ومسميتها فرح امحق فرح سميها ختام

قلت بيني وبين نفسي انت ياخوي تقول هالكلام اجل وش يقولون الناس

اخوي ذا مزحه كثير ويمون علي الله يطول بعمره

جزاها الله خير
بس نصيحه لها ولام جمانه ولغيرهم ان ياكدون على السونار والتاكد من انفجار البويضة

والله كل كلامك صح
كلنا نتمنى الولد
لكن احس البعض متمسكين بهالشي بقوة لدرجة خايفة بالسونار تقولها بنت !
هذا اكبر غلط احنا نتمنى وندعي ولاصار حمل خلاص هو تلقح من اول شي ولد ولابنت الواحد بس يدعي انه يكون بصحة وعافية
نصيحة وكلو اموركم لربك فيه بنات ماشاءالله قمة العقل ومتفهمين هالشي وفيه بعضهم العكس ويمكن لو تقولها بنت تبكي استغفرالله
وحدة قريبه لي عندها عيال وبنات العيال كلهم تعبانين وبعضهم يموتون والبنات مافيهم شي ماشاءالله ووقفت حملها خايفه تحمل وتجيب ولد
احنا فاتحين الملف للعمل بالاسباب وراضين لو طلعت بنت ولله الحمد ماتخيل اخاف من كلمة بنوته واغلبنا هنا عارفين هالشي
لا اله الا انت سبحانك اني كنت من الظالمين