مزيل رائحة العرق طبيعي ومن تجربتي أنا وخواتي..

السلام عليكم
من كثر ماني موسوسة بمزيلات العرق اللي تسبب سرطان الثدي و أورام تحت الأبط بسبب موادها الكيماوية و حبسها للعرق من اجل تجنب رائحته


جبت لكم خلطه ..جايز تكون قديمه ..بس جربتها أنا وخواتي طلعت تجنن تجنن تجنن مافيه ريحة عرق لمدة تتجاوز الأربع ايام..فظييييييييعه...
مكوناتها ...
علبة جليسوليد وسط( العلبة الحمرا )
ملعقتين طعام شبه مطحونه
ملعقتين طعام مسك مطحون
ملعقتين طعام نشاء ذرة
)وانا ضفت لها من عندي ملعقتين طعام عصير ليمون هذا شي اختياري مو لازم .. ..


تخلطينهم مع بعض وتحطينهم بعلبه وبعد كل استحمام خذي مسحه من الكريم وادهني الابطين...


والله ماراح تطلع ريحة عرق وريحته بتكون مسك..
فضلا عن ذالك...الخلطه تبيض الابط بسبب مكوناتها من الليمون و النشاء والجليسوليد..


انا وخواتي بطلنا نشتري مزيلات عرق حتى لو طبيه..
هذا خلطه طبيعيه و ثقه ..
إذا استفدتوا منها ادعولي ربي يفرجها علي وعلى خواتي من اوسع ابوابه ..وادعوا لوالديني بالرحمه والغفران و ان يجعل قبورهم روضه من رياض الجنه..


واذا ما استفدتوا منها .. عادي تخطوا الموضوع كأنكم ما شفتوه 😋