طبعاً انا عند بس بنوته عمرها سنه ونص يعني توها صغيره
المهم اللي بعلمك عنه هو اخوي نفس عمر ولدك بالتمام 4 سنوات
وامي ماشاء الله عليها سوت طريقه وارتاحت عليها كثييير والحمدلله الحين يروح للحمام من نفسه ماشاء الله
اول شي ولدك خليه على روتينه مثل مايحب من اللعب والحركه وغيرهم طول اليوم طبعا
واول مايأذن العشاء عطيه اللي يحب يشربه وبعده عطيه مويه
واكيد على الساعه 9 او9:30 يكون عشاكم
عشيه وبعدها خلاص لاتعطينه اي مشروب
وخليه يروح للحمام كل شوي
واذا جاء وقت نومه لبسيه بنطلون النوم للأطفال
وقوليله اذا نمت يابابا وودك تروح للحمام روح انت رجال كبير مثل بابا وقوي مثله
"وشجعيه مثل هالكلام كرريه عليه"
وطبعاً لازم اول يوم تمرينه بس مو تخربين نومك كل شوي لا
تمرينه تشوفينه هو يروح للحمام او لا
واذا ماراح قوميه ووديه للحمام
{طبعاً بقولك عن
بنطلون النوم هذا للأطفال"بديل الحفاظات"
مو اي بنطلون
وربي كلمة رووووووعه قليله عليه
حتى لو سوا بمكانه ماراح يحوس لك المكان وولا شي
وتحصلينه عند المحلات الكبيره
مثل سنتر بوينت ردتاغ وغيرهم من المحلات اللي تخص الاطفال}}
وهذا هو البنطلون اللي اقولك عنهطبعاً هذا يجيك على شكل حفاظه
اما اللي شرته امي يجيك برمودا يعني طويل لتحت الركبه
ومن برا مثل اللستك اللي لاجته المويه مايتبلل
ومن داخل قطن يتشرب مثل الحفاظه
ويغسل مثل الملابس ويستعمل بعد
[جربي الطريقه وصدقيني بتدعين لي من كل قلبك بعد]
