البنات الاجتماعيات الفرفوشات اللي جلستهم ماتنمل تعالووووووووووووووو

اختى الي عندك رهاب اجتماعي انا قد جاني وقرات كثير عنة ومن كثر ماقرات عنة سويت بحث كان مطلوب مني ومن ظمن الاسباب العين والحسد وكمان التربية الغلط الي يزرعوها الاهالي مايخلو الطفل يعبر برحته وكل شي عيب واسكت وله اسباب كثيرة طبعا الانسان ممكن من شدة حرصة انه مايبغى يغلط ويحاسب نفسة يصير عنده الحالة المهم انا الي كان عندي عين ورقية نفسي بالبقرة واستمريت عليها شهرين والاهم سجلت تحفيظ في البداية راح تستحي شوي شوي راح تتعودي انك تسمعي قدام مجموعة وسبحان الله القران علاج راح يطلق لسانك ويقوي شخصيتك كمان بنتي كانت تعاني من التاتاة ودخلتها تفيظ وماشاء **** راحت من عندها اول شي قبل العزيمة بعد ماترقي نفسك الزمي الاستغفار وقولي اللهم اشرح صدري ويسر امري واحلل عقدتن من لساني ضروري تدعي ذى الدعاء قيل كل جمعة

برد عليكم كلكم يالي رديتو برد واحد لان ماقدر ارد كثيييير مشاركاتي محدوده


الله يسسسسسسعدكم سعاده مالها حد كل الي رديتو
ماتدرون كيف فرحتوووني بردودكم
انا اعرف في امل اتغير بس كيف البدايه مره قلت بجرب اسوولف ماعرفت احس وضح علي اني مستحيه
بعدها صرت الوم نفسي اقول لو ساكته احسن كان محد لاحظ اني مستحيه
يعني حاولت بس ماقريت شي بالنت عن الي تقولونه الثقه بالنفس والرهاب الاجتماعي
بس رحت دكتوره وعطتني سلوكيات وحبوب بعدين ماكملت حسيت مافي فايده بس تتكلم
انا عادي مع مرت اخوووي واخواتي سوالف وضحك استغرب نفسي اقول ليش ماصير كذا مع النااااس لييييييش اتغير مع غيرهم واصير صامته
ودي اصير مع قريباتي مثل ماكون مع مرت اخوي واخواتي فله ووناسه وسوالف بس ماقدرت


يارب

حاولي حبيبتي ولا تستسلمين وبعدين وشفيها اذا غلطتي وتفشلتي اصلااا الواحد مايتعلم الا بعد الاغلاط والفشل
يكفيك شرف المحاوله حاولي وحاولي وعادي اذا تفشلتي منهم وش بيصير يعني بيتكلمون او يشفقون عليك خليهم بالطقاااااق اصلاا بكره بينسون اذا تغيرتي وحطي ببالك انتي مو محور اهتمامهم هم مجرد ماتخلص الجلسه بيروحوا وينشغلوا بحياتهم ماراح يفكرون فيك سواء تفشلتي او ماتفشلتي
فعشان كذاا تعلمي عدم اللامبالاه والطناااااش واسعي وراء هدفك واستمتعي بالمحاوله
وقولي دعاء رب اشرح لي صدري ويسر لي امري واحلل عقده من لساني يفقهو قولي
والله يسعدك ويحقق امنيتك

اول شيء لازم في المجلس تكونين جالسه جلسه المرتاحه وشوفي الموضوع المناسب لك وتدخلي فيه وحاولي يدينك ماتحركينها كثير والموضوع اللي ماتعرفينه كوني مستمعه جيده علشان نعرفين كيف تتداخلين مع اللي حولك

اول شي حددي من ايش خايفة ؟ تخافين تقولين شي غلط؟ عادي كل الناس تغلط. شي غبي ؟ صدقيني كل الناس تقول أشياء غبية اذا قلتي شي غبي ضحكي على نفسك كل الناس الي تتكلمين معهم. ناس زيك مافيه شي يقلق
اقري قران بصوت عالي شوي واقري كتب وقصص حتى المنتدى بصوت عالي كانك تسولفين عشان تتعودين تسمعين صوتك وخلي عندك قاعدة مادمت ماعصيت ربي مااخاف من احد وانطلقي بالكلاااام واذا ماعرفتي ايش تقولين استخدمي الدعاوي مثلا وحدة تشتكي قولي ياقلبي الله يعينك. وحدة تقولك خبر مفرح قولي ماشاء الله الله يزيدك وهكذا.
وكل شي في الحياة لازم تدرب وتعلم لا تخافين ولاتتوترين اول مانولدتي ماكنتي تمشين. يوم بديتي طحتي كم مرة ولكن في النهاية تعلمتي وصرتي. تمشيين طبيعي نفس الشي كل مهارة ثانية تحاولين وتطيحين وتتعورين وتفشلين وفِي النهاية تتعلمين وتصيرين مرة فخورة بنفسك لأنك صرتي احسن وأفضل وهذا الفرق بين الناجحين والفاشلين