النصيب ماله دخل

السلام عليكم امس
عصبت ع وحده عشان موضوع واليوم شفت
نفس الموضوع نازل وكانها جالسه معنا اللي هي
عمرها حول ٣٠ ولا تزوجت ولا عمرها انخطبت
طبعا هي قريبتي
امس نسولف انا وياها وتقولي والله يافلانه
الرجال الحين مايبون لاطيبه ولا اخلاق
ولا تعامل راقي
يبون الجميله لو تحطهم جزمه برجلها
انا انفجعت معقول فيه بنات تفكر كذا
طيب لو صحيح نقول ان الحظ بس للجميلات
الشينات اللي متزوجين ومعهم عيال وبعضهم
رجالهم يموتون بالارض اللي تمشي عليها ايش؟؟
حطي بباالك الزوااااااج نصيب نصيب مثله
مثل الموت والحياة ماحد راح ياخذ اللي الله
كاتبه لك ماله دخل لاجمال ولا شين ولا مال ولا فلوس
اولا واخرا نصصصصصصصيب
والله يافي قصص تشيب الراس لو اقولها لكم
بما اني صرت فتره مرشده بمدرسه اهليه
شفت بنات معلمات قماري اللي مطلقه
واللي زوجها خاينها
لاكن وحده ماتروح عن بالي جممممميله بكل معنى
الكلمه اقسم بالله زي التركيات
تقول تزوجت ومن اول ليله زوجي ماعطاني
وجهه ماحبني يعاملني بجلافه
تقول وصرت اراقب الوضع
من بعيد وعرفت انن له علاقه مع وحذه من قبل
زواجي يحبها وتحبه
وتقول قلت بنفسي اكيد ملكة جمال المصيبه
طلقها وتزوجها وقدرت تشوفها تقول والله
ثم والله ان صدمه عمري وحياتي يوم شفتها
تقول شينه شينه بكل معنى الكلمه
لاكن قلت لها الشكل ماله دخل القلوب هي السبب
لانها حابته وحابها
وخالي كان يتشرط ابي ملكة جمال
وابي بياض اخذ العكس تماما تماما
ويموت بالارض اللي تمشي عليها
اللي بوصله
الشكل ماله دخل بالزواج ولا النصيب
لان الله كاتب نصيبك قبل تولدين