التجمع الرابع لمواليد نوفمبر -ديسمبر ٢٠١٧ حياكم يالكروشات

يارب ترحمنا طيب كيف مولودك هل صحيح اللي ينولد بالشتاء يصير معه صدر؟ على انو اطفالي اولدهم بعز الصيف ومعاهم صدر بس مايتعبون الا فوق ٤ شهور

انا بصراحه من النوع الي يحب يلبس ملابس كثيره بشتاء
فا طفلي كنت البسه بربتوز هاينك والبسه صوف الي تكون حفر والبسه البس العادي اقطان ناعمه
يعني كان طول الشتاء ملبسته زين

السلام عليكم ورحمة الله وبركاته

مراااحب كيفكم
عذرا دخولي قل
ووحامي زايد ربي يكرمكم استفراغ عى طول💔
صرت اجهز اغراضي وبروح لأهلي مافيني حيل اجلس بالبيت وخاصة كتكوتي بو 5شهور يبي عناية ي حياتي هو😢

عادي ياقلبي لا تخافين
انا 3 من عيالي اجيبهم بالشتا وبعز المربعانية وصراحة نفاس الشتا احلى بواااايد من نفاس الصيف جربته مرة وعساها ماتنعاد.

بالشتا اساسا انتي نفاس وبتجلسين بغرفة وحدة تلم حوستك وحوسة البيبي والله يخلي الدفاية والملابس خليط مابين اقطان ومخمل من سنتر بوينت .
حتى من ناحية نظافتك تطول معك والريحة تبع ادوية النفاس ماراح تتأذين منها
عادة ألبس البيبي الفنيلة الداخلية حفر بدون اكمام وفوقها البجامة وبعدين لمهاد واخر شي اللفة الدافية تكون مخمل دافي او تريكو
طبعا القبعات لازم
وبس سهلة .
اذا بطلع وانا نفاس البسه الافرول الشتوي حق الطلعة واغطي وجهه عن البرد طول ما انا بالشارع واذا ركبت السيارة افتحه ..
سهالة ياحبي لا تحاتين

موضوع الصدر دكتور ولدي يقول 50 بالمية وراثة
واذا البيبي دخله برد سواء شتا او صيف طبيعي يسخن ويتعب صدره .
انتي لا تدفين البيبي بزيادة فيعرق ولما تفتحينه يلقط برودة ، ولا اللي تخلين لبسه خفيف فيستبرد كذلك ويدخله هوا ..
خليه وسط وكل شوي شيكي على أنفه لو بارد معناته يحتاج تلفيه كويس بالبطانية او غيري بجامته خليها مخمل ..
وبعد الشور دهني جسمه كله زيت زيتون مخلوط بالبيبي اويل اذا ماتحبين ريحة الأول
يساعدة يتدفى بعد برودة الشور
وبس