شاركي في النقاش

سجلي الدخول لإضافة تعليق.

التعليقات

62
  1. @mryomh_2

    بيني لهم بين فتره والثانيه انك متضايقه .. وانه تستهبلين عادي .. بس سالفة انه تسولفون صوت عالي وتبخون عطر هذا اسمه تجاوز وقلة ادب ..

    قولي لهم ذا الكلام .. مابي هالشي يصير اكثر من استهبال .. وخليك حازمه معهم وجاده ..

    الله يعينك :26:
  2. @mthayl95

    هدديهم انهم اذا ماوقفوا هالشي بتطلبين من هلك انهم يغيرون لك الباص بسبب حركات هالبنات وانك راح تذكرينهم بالأسم... يمكن يخافون يوصل الكلام لأهلهم!

    بس دام صاحب الباص قريبك حاولي توصلينله الفكرة ان المشكلة في البنات مش في السواق

    الله يهداهم ويصلحهم
  3. @rhof_2

    استغفر الله ... وش ذا البنات معقول .. يالله والله الدنيا
    تخوف .. هذا الرجال مهما كان بشر ومهما وصلت درجة
    التزامه وخوفه من الله الا ان الشيطان موجود الله لا يسلطه
    علينا .. والله اني خفت على الولد اكثر منهم صراحة قلة حيا
    ولازم تعلمين اهاليهم ينتبهون لبناتهم .. يعني مثلا هذا قريبك
    يتصل على ولي امر كل طالبة بالباص طيب ,, ويقول لهم ان
    السائق يشتكي من بعض الطالبات قليلات ادب وحياء معه
    يسوون حركات بايخة وملفتة للنظر والسائق لأنه محترم قام
    بالتبليغ ولا اتهم وحدة بعينها لكن عدد الطالبات كثير الي يسوون
    هالحركات لذلك جرى التنويه على جميع اولياء امور الطالبات
    حتى ياأخذون الحذر من بناتهم وحركاتهم الماسخة وبكذا ولي
    امر كل طالبة رح يخاف من الموضوع وينتبه لبنته وغير ان البنات
    بيحترمون انفسهم ومابيسوون هالحركات لأنهم بيظنون ان هالسائق
    هو الي اشتكى .. والسائق اصلا ماعنده خبر بالموضوع .. والله
    يوفقك يالغالية على حرصك وخوفك .. بس والله صدقيني لما تفكرين
    بالحل الي عطيتك تراه احسن شيء .. وتلاقين الولد مهما سكت وصبر
    الا انه في صراع مستمر مع الشيطان وخايف على نفسه ..

    الله يكفينا وياكم شر اولاد الحرام ..
  4. @aghl_osal

    1- حاولي تكتبين ورقة فيها تهديد لهم و تخلين وحدة ما يعرفونها تحط الورقة في الباص قبل لا يركبون
    المهم إن الكلام اللي فيها يكون عام للجميع حتى ما يشكون فيك ..

    2- إذا في الكلية معيدة او دكتورة ملتزمة و أسلوبها حلو و تثقين فيها خبريها بالموضوع و خليها
    تناديهم و تناقشهم و تضع معهم الحلول و إذا أنتِ خايفة يكشفونك عادي احضري معهم عند المعيدة ..

    3- إذا لهم صناديق في الكلية يحطون فيها أغراضهم لازم تعرفين أماكنها و حطي لهم فيها ورقة تهديد
    مو شرط تحطين للجميع .. حطي لبعضهم ..

    4- اشتري شريط قرآن لشيخ تكون تلاوته خاشعة و يبكي فيها .. و اطلبي من السواق يفتحه بدون ما يحسون إنك أنت اللي جايبته ..

    5- إذا ما نفع معهم مافيه إلا تبلغين أهاليهم ..
    اللي ما عندها وازع ديني تحتاج إنها تتربى مرة ثانية ..
  5. @ghsn_alkhzam

    جزاك الله خير على حرصك
    أختي انصحك أنك تخلين أخوك يكلم السواق مثلا وينصحه أنه يبعد عنهم ويروح لباص ثاني ولا شغلة ثانية
    ويذكره بأن من ترك شيئا لله عوضه الله خيرا منه وأنه خايف عليه من بعض البنات اللي في الباص بدون ذكر أسماء ولا فضايح
    فمهما كان السواق ملتزم فالشيطان ما مات والرسول صلى الله عليه وسلم حذر أمته من فتنة النساء