الي تعرفني تدخل تنصحني

الله يكون فعونك ويفرج همك.

الله يفرج همك وييسر امرك ويصلح حالكم ويسخره لكم ياكريم ..
مافيه شي هين وصعب على رب العالمين .. روحي اشكي له والجئي له .. حنا والله ماعندنا حل بهالشي ابدا ابدا ياريم والرجال مختلفين بتصرفاتهم وردة فعلهم .. كل ماعليك تقومين بوجباتك اللي عليك وع قد طاقتك فوق طاقتك لاتتعبين عمرك .. حاولي انك تسكتين عنه ولاتدعين عليه قدام بناته .. بناتك لاتكرهينهن بابوهن مهما صار ولاتقولين فيه وفيه اعرف وحده الله يستر عليها حالها اشد من حالك لدرجه انه يطردها برا البيت بدون عبايه ولاشي تجلس تتغبى بمكان وتبكي لحد قرب الفجر يفتح لها الباب .. تقولون وش اللي حادها ورا ماتتطلق وضعها زي وضع ريم العيشه عند اهلها جهنم .. ولاتبي تصير عبء على احد تقول ع كثر ماشوف منه ببيتي الا اني اشوف عيالي ماخذين راحتهم اكثر من عند خوالهم .. والله ماكان يبين عليها تشوفينها تقولين اسعد خلق الله .. كانت ليليا تصلي وتدعي سنين وكاتمه عن امور ومستره عليها لحد ماجاها الفرج السنه ذي سبحانه من يغير الحال .. تغيرت حياتها ونقلو عن بيتهم وزانت امورهم وربي سخره لها ياربي لك الحمد ..( قصتها انا سمعتها شخصيا منها ولا تكلمت الا اللحين )
باذن الله ياريم بيجيك الفرج بس عليك بالصبر الابتلاء والامتحان مايتحدد في مرض او نقص مادي لا حتى يكون ابتلاء في زوج وولد .. وانتي ربي ابتلاك بزوجك ويمتحنك خليك صبوره وكلما ضقتي الجئي لربك حنا موب نافعينك بعضنا بيواسيك ويهديك وبعضنا بيزيد الطين بلع الله يهديهن ..

الله يسخره لك

ليتك ماتعبتي نفسك وكتبتي كل ذا الكلام الموضوع قديييم