اللي من جيل الثمانينات والتسعينات تدخل😢💔

انا صغيره عمري ٢٨ لكن اقسم بالله اتمنى اني عشت زي حياة قبل ٢٠سنه ايام زمان
كنت اتمنى اني كبيره ومتزوجه بذاك الوقت تدرون ليش لان ماكان فيه لاسناب ولا انستقرام ولا مقارنات بين الصديقات والاقارب ولا فلانه سافرت برا شفت صورها ولا فلانه طلعها زوجها مطعم وحط لها عيد زواج وعشان شي ثاني متاكده لو اني منزوجه بذاك الوقت بملىى عين زوجي مهما كان شكلي الوقت الحالي قليل جدا جدا الرجال اما الباقي اسم رجل صار يتابع الفشينستات ويقارن بين الممثله والفانشيستا الفلانيه وزوجته صار يشوف اشكال والوان يالانستقا والسناب صار مايعجبهم العجب والله لو تجيه زوجته كامله لازم يمل ويطلع نقص فيها
صارت الخيانه عادي جدا وباي وقت يحصل بنت بالسناب بالانستقا ويكلمها ويتقابلو زمان حتى لو في خيانات ماكانت بسهوله
اتذكر ايام زمان قبل ١٨ سنه كان الناس حدهم بالسفرات جده ابها اه ياجده تصدقون كل سنه اروح لها الحين لكن ماكانت مثل ايام التسعينات وبدايه الالفين
ملاهي بحيرة القطار والعطاللله كانت قمة المتعه عند الناس الكورنيش ايام زمان واه من الكورنيش ايام زمان عربات ناس وحركه الحين صار ميت لانه بنظر الناس مقرف!! كنا بسيطين لاكن راضين بحياتنا مبسوطين بعائلتنا ماكنا نسافر برا ولا نلبس ماركات عالميه ولا نطلع كل يوم مطاعم وكافيهات
لكن حياتنا كانت توب وتسوى الايام هاذي بالف مره يكفي الراحه اللي كنا عايشين فيها ممكن تقولون كنتي صغيره كل همك لعب
عشان كذا تحسين ذاك الوقت حلو لا واللهً
خواتي الحين بالاربعينات وبنات خالتي ببدايه الاربعين وكلهم تزوجو بهذاك الوقت وعاشو بذاك الوقت واشوف حياتهم تهبل حب وتفاهم وكلهم اذا سالتهم قالو يازين هذيك الايام الرجل كان قنوع بذيك الفتره
ماكان فيه برامج وسناب واشياء ضيعتنا