تجمع الرقيه سبيلنا للشفاء من الأمراض _ الجزء الثالث ( 3 ) .

انا من صغري من وانا طفلة وانا مصابة
بهالمرض حسبي الله ونعم الوكيييل

انا مثلك مستغربة الله أعلم وش اللي
قاعد يصير ع العموم بكمل وان شاءالله
الفرج القريب لي ولكم ياررب

و اذا انتي بالكويت
عندكم اخصائية تغذية شاطرة انا اتابعها بانستقرام اسمها ريم العنزي مشهورة
تقول اللي فيهم مس غالبا عندهم نقص صوديوم و حديد و نحاس و مغنيسيوم
و التشنجات العصبية اللي معي قريت عندها سببها نقص مغنيسيوم و صوديوم
هي تعالج نقص المعادن من فحص الشعر
روحي لها الناس يرسلون لها شعورهم من السعودية و قطر و الامارات
تعالج بالغذاء ما تعطي ادوية تصحح لك تغذيتك

و نصيحة لا تدعين على أحد لان كلها شكوك و ظنون ما عندك وحي من جبريل عليه السلام ان فلانه حاسدتك و لا علانة ناظرتم
و حق الناس عظيم انتبهي
و زي ما قلت قبل هذا رايي و تجربتي ما الزم فيها احد
و كلن بعقله راضي
مع اني عارضت فجر الغد و ردودي موجودة و الموضوع موجود بس اقتنعت بكلامها و استفدت منه و لله الحمد و المنة
اصلا عارضت و جادلت و دعيت على كل واحد قالي اني موهومة و فيك وسواس الشيطان ضاحك عليك معقولة الناس مالهم شغلة الا انتي 🤣🤣🤣
و لو كان فيني عين و غيره ما يتحمل مني مل رد هالفعل ارقي نفس و خلااااااص
بدون مقاطعات قاطعي الساحرة لا تجدد لك
قاطعي العائنة لا تزيد عليك العين
رشي البيت
رشي العتب
و اساليب علاج ما أنزل الله بها من سلطان تزيد من تسلط الشيطان و تحكمه فيك

بس الحمدلله الذي هداني لهذا و ما كنت لأهتدي لولا ان هداني الله

صعب اقولهم صح عليكم كنت غلطانة غافلة بس اعترفت لهم انهم كانوا صادقين
صعب اقول انا اللي جبته لنفسي بس لازم اواجه نفسي و اتحمل اخطائي و تسرعي و جهلي و غفلتي
مع اني لا زلت اعاني و اتشنج و اصرخ بس تحسنت كثير و لله الحمد و المنة
ما شاء الله لا قوة إلا با الله
المخ زي الكمبيوتر بس نقنعه بفكرة على طول يتبرمج عليها
لذلك لابد ننتبه من كل كلمة نقولها لانفسنا من داخل او لطفل خاااااااصة الطفل

طيب انا كنت زي مانقول بالعاميه داجه يعني لا اعرف لاتحصين ولا هم يحزنون ولا اعرف شي عن العين والسحر الا مسمياتها وامي ماتكلمنا عن هالاشياء مع انها مسحورة لكن ماقاطعت الناس اللي سحروها وماعرفنا اصلا بموضوع السحر الا لما شفنا الناس اللي سحروا امي زعلانين من خطبة اختي وخطبتي قوموا الدنيا وقاطعونا مع انهم ناس قراب مره وكنا ناكل ونشرب وننام معهم بعدين امي حكت لنا عنهم وعن اللي،سووه معها ومع خالتي وجدتي الله يرحمهم بعدين صرت انفر منهم ولما تزوجت صرت احس انهم يحاولون يبعدوني عن زوجي وصرت ابكي احيانا خايفه يفرقون بيننا لان شفت اختي وزوجها كيف كثرت مشاكلهم وزادت بعد ماتعبت اختي وتقريبا انجنت لين كرهوا بعض وتطلقوا بعدها بفتره تعبت بحالة نفسيه فصرت اشك انهم سحروني اوحسدوني بعدين صرت اشك انها عين لان سمعت كلام بعد ولادتي
لكن للان ماعرف وش فيني وصرت استبعد موضوع السحر لكن خلاص مع انهم رحم واقارب بس صرت انفر منهم واضيق اذا شفتهم غصب مادري وش اسوي لاني خايفه من غضب الله علي صحيح اذا قابلتهم اسلم عادي لكن ماروح لمناسباتهم ولا ازورهم في بيوتهم وربي يشهد اننا كنا نعاملهم احسن معامله ولا كنا نشك فيهم لين هم بينوا نواياهم وحقدهم علينا وطردوا امي من بيتهم وقاطعوها ومع هذا امي مازالت تزورهم في مناسباتهم واذا عندهم مريض تزوره وتقول أأدي حق الله علي لكن انا ماقدرت اوصلهم
وكنت حاقده عليهم وادعي ان الله مايسامحهم لكن مع طول فترة المرض وعدم تاكدي ان هم السبب باللي انا فيه ادعي ان الله يسامحهم ويبعد شرهم عني

الله بالليله الفضيله ان يشفيك ويرفع عنك كل بلاء ومرض
ان شاءالله بعد مااطهر من العذر الشهرى برجع اقرا قران وان شاءالله ربي يقدرني اختمه
وبحاول ارقي بالمعوذات والفاتحه
ماعاد لي نفسي بشي بس اتمنى ماافقد عقلي وديني وبس