هل انا مكبرة الموضوع مع خطيبي !!!!!!!!!!!!

السلااام عليكم ,

والله يا بنات مو عارفة من وين ابلش ( يا أنا مكبرة الموضوع حبتين ) يا انه الوضع عاادي .
القصة وما فيها طلعت انا مع خطيبي ع ( الصبحانيات ) يعني ما عندي هالحركات الدلع ولا الكلام المعسول الخ .... من الآخر ولا حبة . وهو يضل يحكيلي تعلميلك كم كلمتين وشوفي الناس الخاطبين وصراحة مجنني :( بحكيله انه انت اول شب بتعرف عليه وانا الحكى ما بطلع مره وحده والخطبة اشي والزواج اشي ومن هالحكي ) الموضوع من يومين زايد حبتين شوي اخته حكت معي تلفون تعطينيكم نصيحة ( واااااااااااااااضح طبعا انه شاكيلها ) مشينالها اياه ... وعملت كالتالي
رحت عند اخوي حكتله حابه اطلع مع خطيبي نغير جو شنو الوضع شوي متأزم .. رافقني انت ومرتك وبالفعل طلعنا مبارح الخميس ورحنا على خيمة رمضانية ( انا على نياتي خيمة رمضانية = ناس قاعدين تحت خيمة هههههههههههههههه)
وهااااااات المناظر اجى المغني -رضا- ونجوم ستار اكدمي وهالبنات البس الفاضاااااضح . صحيح انه انا بحضر تلفزيون واغاني بس مش اجواء سفور بحتة ( فهمتوا علي ) كتتتير الوضع كان بحزن
انه الدنيا رمضان والناس هيك . صحيح انه انا رحت بس انا ما رح اعيدها بحياتي طيب هدول الى كل يوم والبس انا مش فاهمة البس القصير ونص بطن وبرمودا اله دخل برمضاااان شي
طلع الأخ كل سهراته زي هيك . هلأ عرفت ليش ضاغط علي من كثر مهو شااايف يعني اهتمامته غير عن اهتماماتي . قعدنا لل 1 باليل كانوا ناولين يطولوا بس انا حكتلهم صيامي راح وانا ما بحب هيك طووووووول 3 ساعات وعيوني على الطاوله ( اختكم دارسة شريعة ) المهم امبااااارح تأكدت سبب مشاكلى انا واياه .
طيب عندي سؤالين اذا كانت اهتمامته هيك ليش يظلمني معاه وياخد وحده متدينة وبالأخر يعيرها ويقارنها بفلان وعلان ( مش معناته انه انا ما علىَ غلط . لأ لازم اتعلملي كلمتين بس مع الوقت مو فرض واجب هلأ ) .
واذ الله بحبني ليش يبعتلي هيك واحد اعاني معاه . انا الى بديواحد يعيني على ديني
واخر السهرة لما سألني كييييف حكتله انه حلو نطلع انا وانت زي هيك بس مش هاي الأماكن . بينت بلدي وانه على نياتي " ما بعرف اذا فهمته على " بالعربي استهبلني الزلمة
هلأ بدي منكم الحل تسااااعدوني تحكولي شو الحل , كيف اتصرف معاه والله يا بنات نزل من عيني
واهم شي تدعولييييييي اذا فيه خير لألي يسره مافي الله يصرفه عني بالخير

تفكيري كتتتتتتتتتتتتتتير ملخبط وهاد الحكي ع السريع , اعذروني على الأفكار الملخبطة

22 تعليق 2,743 مشاهدة

شاركي في النقاش

سجلي الدخول لإضافة تعليق.

التعليقات

22
  1. @btol2004

    لا انت الصح الموضوع من اوله انت لسه على البر ومنة الأفضل وضع النقاط على الحروف ....ومن ترك شئ لله عوضه الله خير منه
  2. @bth151

    شوفي اختي بهنيك على موقفك من اللي عم يصير من الاستهتار بهالايام الفضيله ورفضك الها
    لا تستهيني بالموضوع ترى انا لو محلك باعتبره جوهري ومستقبل خطوبتي متوقف على موقف خطيبي وردة فعله
    بيني له موقفك من اللي شفتيه ورفضك لذهابه للسهرات وذكريه انو في شي اسمه زنا العين وانت بترفضي يكون زوجك وابو اولادك من هالنوع وانك بترفضي خطيبك يقارن بينك انت الطاهره اللي ما حكيتي بعمرك مع رجل غيره وبين هيك بنات والعياذ بالله
    والاستخاره لا تستغني عنها
    والله يختار لك كل خير
  3. @rhof_2

    انا اقول استخيري يالغالية .. والله يكون بعونك ...

    انت من متى مخطوبة ؟؟ معقود قرانكم او لا ؟؟
  4. @quotsmt_alklam_quot

    صاحبة الموضوع
    الأخت " رهوفة "
    انا متملكة من 5 اشهر ....
    والشكر لأخت بطة 151 , بتول 2004
    والله يجيب الى فيه الخير , لا تنسوني من دعواتكم
  5. @uae_forever

    جووفي اختى اجلسي معاه جلسه حوااار جدييييه وقوولي له يافلاان انا رضيت وتزوجت لاني اريد اكمل نص ديني لكن فى خااطري كذااا شي لازم تفهمه قبل الزوااج عسب سبحان الله ما اظلمك ولا انته تظلمني اريد اعرف طبعك وقوووولي له

    كلللللل شي عن طبعج نج جدااا ملتزمه وانه مستحيل فى يووم مثلا تلبسن وتصيرين نفس لي جفتيهم اذا هو متوقع يغيرج مستحيل تتغيرين وتعرفي على طبعه شووو بضبط شو ناااوي وشووو يبي وقوولي له من الحييين اقووول لك الصدق عشان عقب ماتقووول مافهمت طبعج وماعرفت اخلاقج

    بالحوااار كل شي بتعرفييينه تكلمي باسلووب هاادي وان شاء الله يطمن قلبج وترتااحين ولاتنسين الاستخاااره ماخاب من استخااار جووفي مدى رضى ربي على ها الانسااان

تابعي تجارب أخرى من هذا القسم.