تجمع الرقيه سبيلنا للشفاء من الأمراض _ الجزء الثالث ( 3 ) .

عزيزتي عنقاء انا أتكلم عن تجربتي
تكلمت عن تربيتي طفولتي معاناتي
اللي توصلت له من تجربتي اني اوقف اقول لنفسي انا معيونة انا ممسوسة لان حالتي تستاء ما تتحسن

أتكلم عن ست طعش سنة من عشرة مقرئين و مشايخ و مفسرين أحلام و منتديات
اكتشفت ان تعبي من نفسي و تفكيري و اعتقاداتي
و فقر دم و نقص معادن و فيتامينات مهمة
فيني حسد و عين بس تعلمت اني ما اردد هالكلام السلبي لنفسي لان يزيد الشر علي يزيييد ما يخف

انا ما قلت لا أحد يرقي بالعكس انا تحسنت بفضل الله ثم الرقية خاصة الفااااااتحة و مستمرة عليها و لله الحمد و المنة
قلت لك أخذت بنصيحة فجر الغد و استفدت من نصيحتها و طبقتها و شفت نتايج ريحتني

انا كنت أكره اللي يقول وهم و وسواس و ادعي عليه
بس الحمدلله عرفت غلطتي
تدرين ليش لان البرمجة أخطر شي على النفس كل لا عظمتي من شأن العين و الجن بحياتك تعاظم و كل ما صغرتيهم تصاغروا و اندحروا و انصرفوا

انا اعاني من مس خارحي أذى خارجي بالصلاة عند النوم أذى استحي أقوله بصدري بمناطقي الخاصة تعب عند الصلاة عند النوم في الحلم بالمطبخ مع الناس في الجمعات

لإني دايما اسولف عنهم و اكلمهم و ادعي عليهم
اكتشفت انا شهد محد قالي انه غلللللط
أحسن علاج التجاهل و استشعار رحمة ربي و ملايكته و حفظه لي

مثل ما قلت طلعت بهالخلاصة من سنوااااات معاناة
و كل وحدة و قناعاتها
بس اذا وحدة منكم قالت لي انصحيني شوري علي قولي لي برنامجك بقولها هذا كل اللي قلته بردروي أمس و اليوم

على فكرة انا ما كان ودي أتكلم لإني عارفه بلقى اعتراض و يمكن دعاوي و تحسب لاني انا كنت بهالتفكير و فاهمه كل بنت استفزتها مشاركاتي
بس لانك دايماً تقولين و ينكم بنات كتبت برنامجي و ربي يشهد علي لانك قلتي وينكم اكتبوا برامجكم انعشوا التجمع

اعتذر من كل من استاء من مشاركاتي ربي اللي مطلع على نيتي يشهد قصدي الخير و الفايدة و نقل تحربتي للنفع

و الله أعلى و أعلم ،،


سلااااااام

شهد حبيبتي انتي آخر وحده كنت أبي أتناقش معاها بالموضوع هذا لأني أدري انج طيبه وهذا واضح من ردودج

لكن انتي غير وأنا غير .. انت موسوسه وأنا الود ودي أبطل واتناسى وانسى الأيام هذي

تقولين تقنعين أهلج انكم مسحورين عيل ببيتنا نقول الظاهر محسودين ونكمل حياتنا مانهتم ولاشي الحين وضعنا مو طبيعي لو نبي نسوي شي بسيط صعب صعب ببيتنا

كل مره تقولين كلام محد يرد لأنه بالعموم لكن هالمره خصصتي اسمي وقلتي توهمين ! شدراج اني أتوهم شخصيتي واضحه وباينه اني انسانه لايعه جبدي وابي الفكه بابن من ردودي اني حيويه ونشيطه وأحب الحياه وشوفي مواضيعي قبل الرقيه تقولين هذي ماعندها هموم يا شهد عممتي قصتج علينا انا مصدقتج باللي قلتيه لكن ليش بعض البنات ماتصدقني باللي أقوله مع اني ماقول شي غريب .. في اشياء وايــــــــــد ماكتبت عنها ولا راح أكتب مهما كان هذا منتدى معقوله اقول كل الأعراض والضيق اللي بصدري ..

تظلين أخت وانا صج أعزج لكن استغرب من أفكارج .. هالأيام وايد بنات نفسج ..

شهد ماظنتي راح أغير رايي نفس ماغيرتيه .. راسي يابس شوي مو بسرعه أغير رايي بمبادئي وأفكاري

بس سؤال ليش انتي ثالث بنت تقولي توهمين أبي أعرف ليش تقولون جذي ؟

السلام عليكم..
اللهم اشف كل مريض وانصر كل مظلوم وكف أيدي الظالمين..
الحمد لله أننا مظلومون لا ظالمون وهذا بحد ذاته راحة كبيرة لا تعدلها راحة مهما كانت المعاناة شديدة ومهما اشتد الكرب 'الله مع المظلوم لا الظالم
الله مع الصابرين
الله مع المتقين
الله مع المحسنين
والحمد لله رب العالمين

كيف الحال بنات
وكيف حالج عنقاء 🌷
كل عام وانتم بخير ،
وين فجر الغد والطرف وأعضاء كانوا معنا
لي سنة عنكم ، وانا ع وضعي واسوأ
لان غيرت مجال وظيفتي انشغلت عن القرآن والرقية
وانتكست حالتي وصارت لي مشاكل بالعمل عجيبة ، أفكر أخذ اجازة طويلة، عشان اتفرغ للرقية
حياتي متلخبطة ، وساوس فضيعة ، يارب رحمتك 😭

اهلا شهد
برنامجك روعة وسهل ، يمكن صحيح حنا كبرنا. مشكلة المس كثير،
اخوي ينكر ان الجن يدخل الجسم استغفر الله. ولا يُؤْمِن بسحر ولا شي
مع انه ع خطأ. بس عايش حياته طبيعية لان ماعنده خوف من المس والعين ، وكثير نتناقش انا وياه. ومافيه فايده،
ارجع. وأقول انا السبب بكل اللي فيه
لان عندي خوف من العين والسحر
بشكل مو طبيعي ، وفعلا الانسان اذا خاف من شي يجيه ،