&تجمع العمل بالاسباب لانجاب البنوتات العسولات بقدرة الله عزوجل &

اختي الف مبروك على التوام و *****الله من الدرية الصالحة ومن حفظة القران واسال الله ان يعينك على تربيتهم واسال في المرة القادمة ان يحقق حلمك ويرزقك بالبنت.

السلام عليكم ورحمة الله
رمضان مبارك عليكم جميعاً والله يتقبل منا الصيام والقيام ويرزقنا جميعاً بالي نتمناه وتشتهيه انفسنا
وام يزودي حبيبي الف الف مبروووك مؤيد ومنذر الله يبارك لك فيهم هم واخوانهم ويخليهم لك ولأبوهم ويرزقكم برهم وصلاحهم
وام فارس حبيبتي مانسنيناك ابداً والله انكم في قلبي جميعاً
وزهرة الحب الله يعينك ويشفيك من الاكتئاب شفاء لايغادر سقماً
وانا حبيباتي الحمدالله تمام وعيالي تمام بس نفسيتي مره تعبانه وأمر بظروف صعبه جداً تعبت نفسيتي وتألمت كثير وحتى صرت امشي واكلم نفسي من الظغوط الي امر فيها
غير اني اشعر بالوحده القاتله والحمدالله على كل حال
اطلب منكم طلب انكم تدعون لي ان ربي يشرح لي صدري ويبعد عني شر الناس وبلاهم عني وعن عيالي وبيتي وان الله يريح بالي ويفرج همي وكربتي 😔😔

الله يبارك فيك زهره .. آمين والله يحفظلك أولادك ويجعلهم قرة عين لك .. والله يرزقنا بالبنات يارب

الله يبارك فيك ويعافيك حبيبتي ساره .. والله يفرج همك ويكفيك شر الناس وأذاهم ويحفظلك أولادك حبيبتي .

بنات حبايبي إحنا تقريباً نمر بنفس الظروف أطفال رضع غير إخوانهم الكبار ونحمل أنفسنا فوق طاقتها ونشيل هم كل شي وهالشي يأثر على نفسيتنا .. تصدقون أنا لما ولدت التوأم جلست أناظرهم وببكي أنا واحد يبهذلني كيف اثنين بس لما أتذكر طفلي اللي مات وحزني عليه أقول معقوله اتضايق لما ربي عوضني فيهم لازم أوسع صدري واهتم فيهم ووقت التطهير تقطع قلبي من البكا أنا ماأتحمل اسمع الطفل يبكي ومقدر اساعده الحين بكيت مع مؤيد وبكيت مع منذر .. تعبت نفسياً وكنت متوتره في البدايه كيف اتعامل مع اثنين كيف بلاقي وقت لنفسي واطفالي الكبار بس الحمد لله خليت البقره والرقيه الشرعيه دايماً شغاله في البيت أحس براحه وطمأنينه إذا ناموا أطلع اشم هواء استرخي واشرب شي يهدي أعصابي .. زوجي معاي ويساعدني وناخذ التوأم ونلعب مع اخوانهم الاقي نفسي اضحك من كل قلبي .. لذلك يابنات احنا لازم نطلع انفسنا من جو التوتر ونريح بالنا ونسوي الأشياء اللي تسعدنا وجود طفل رضيع مايعيق ابداً احطه بعربيته واطلع أغير جو أشوف الناس وانبسط اروح الملاهي مع الأطفال ينبسطون وانبسط .. لاتفكرون بشي سلبي ابداً خلوا الإيجابيه والسعاده عنوانكم ورددوا دايماً ربي اشرح لي صدري ويسر لي امري كل شي شايلين همه قولوه لربي فسجده فضفضوا وابكوا راح ترتاحون وكل شي يكون مثل ماتحبون وأكثر .. الله يسعدكم ويفرج همومكم ويشرح صدوركم ويجعل حياتكم سعاده وهناء .. بدعيلكم دايما لأنكم اخواتي اللي ماولدتهم امي ولا تنسوني من دعاكم .أحبكم كلكم ❤️❤️❤️❤️