ابي مساعدو في تجهيز اوراقي

رفع

عليكم السلام
اولا ،، مانصحك تفكري بكوريا لانها بلد حتزيد مشاكلها السنوات القادمة لانها معادية لامريكا واستراليا وبتهدد بالنووي ومشاكل مالها حصر
ثانيا،، الغير سعوديات مالهم ابتعاث رسمي من الحكومة لانه جواز سفرك غير سعودي ولا يحق لك الانضمام والتعامل مع السفارة والملحقية السعودية في الخارج الا في حالة تزوجتي من سعودي وكان مبتعث وقتها تعاملي معاملة الزوجة السعودية وبامكانك الالتحاق بالبعثة
ثالثا،،
نموذج الطلب هي الورقة الي فيها طلب الابتعاث وفيه بياناتك كلها
البيان الشخصي نفس الشي يشرح فيه حالتك ودرجاتك والقسم الي حتختاريه والجامعه ووو الخ
الخطة الدراسية مهمة لانه فيها تحديد التخصص وعددالسنوات الي يحتاجه التخصص لاكماله وهذه الخطة تاخذيها من الجامعه الكورية اذا قبلتك عندهم
التقييم الطبي هو تقرير خلوك من الامراض المعدية والمزمنة مع نتيجة فحص الدم
خطاب التوصية سواء بخط اليد او بالطباعة والي اعرفه ومتاكده منه انك تاخذيه من دكاترة الجامعه الي درسوك في حالة كنت طالعه تدرسي ماجستير ودكتوراه
اما في حاله البكالوريوس فماتحتاجي خطاب التوصية الا من جهة عملك اذا انت تشتغلي او من مسؤول في وزارة التعليم يوصي بانك تستحقي الابتعاث لهذا التخصص

تمام اختي الله يسعدك دنيا واخده ويوفقك يارب ياااربب
طيب الحين مثلا انا اقدر اخذ خطاب توصية من مديرة مدرستي او شئ مثل كذا

اخرة*

والله حبيبتي مديرة المدرسة توصيتها ماراح تفيد ولا كان ثلاث ارباع طلاب الثانوية كملو بكالوريوس خارج البلد
التوصية تكون من وزارة التعليم
او من مسؤول في جهة عمل رسمية وحكومية
مثلا لو انت تشتغلي بشهادة دبلوم تمريض او اشعه او فني مختبرات او قابلة في اي مستشفى ومدير المستشفى طلعك تكملي بكالوريوس
او تشتغلي في بنك او اي موسسة حكومية
غير كذا ما يطلعو طلاب الثانوية ابدا
الا على حسابهم الخاص
وبعد مايعدو سنة في الجامعة ويحصلو على درجات عالية يقدمو انضمام للابتعاث وعلى حسب درجاتهم وندرة تخصصهم اما يقبلوهم او لا