ايش القصة كثرت هالمواضيع

يابنات الناس انا ابغا اعرف شي واحد بس اقنعوني فيه

جمله كثير اسمعها
((لاتاخذي معدد تخربي حياة غيرك))
((لاتوافقي ع المتزوج لاتبني حياتك على تعاسة غيرك ))


بالله اللي تقول هذا الكلام هل هي مؤمنه ومسلمه استسلام تام لله ولأحكام الله ؟؟
معليش خذو كلامي برحابة صدر ولاتزعلو
كيف تطاوعك نفسك تقولي عن شي احله الله تعاسه وخراب بيوت ؟!!!!!!!


خراب بيوت مررره وحده !!!


اذا انتي ضد ان زوجك يتزوج عليك وانا اولكم ضد ان زوجي يتزوج علي .. لاتسمحي لنفسك تتطاولي بالكلام على احكام الله
اذا زوجك بيتزوج حاولي مره واثنين وعشر انك تردينه عن قراره لكن لاتسبين وتلعنين بنت الناس واقولي خرابة بيوت
تراها ماسوت حرام ولا زوجك سوا حرام


والطاااااامه اللي تخلي زوجها يطلق الثانيه عشان ترجعلها هذي عاد سالفة ثانيه وهذي بجد خرابة البيوت


اذا انتي يالزوجه الاولى مايجوز تطلبي الطلاق من غير بأس كيف تقدري تخليه يطلق الثانيه ..!!!


المهم خلاصة الكلام انتبهو لألسنتكم واتقو الله بكلامكم تشريعات الله واحكامه مو على كيفناا ننتقدها

الرجال لو عدد ولا استفرد بوحدة
كلهم نفس الطينه الا من رحم
ماغير يرفعو الضغط هههههه >>> رد وحدة معصبة حالياً وتتمنى تزوج زوجها وتفتك
فاتركوهم يجربو حظهم ونصيبهم
الي حابة تتزوج معدد لاي سبب كان ماراح تاخد الا نصيبها المكتوب سواء كان من حظ السعادة الزوجية او من القرادة والتعاسة والهم والغم
والي تحب تتزوج رجل غير معدد ولا متزوج سابقا
والله ماراح تلاقي الا قدرها ونصيبها يا يطلع ابن حلال صافي واقل شيء يحترمها ويقدرها
او يطلع فيه العيوب السبعة والله يكون بعونها ويصبرها
الخلاصة .. السعادة لا مع معدد ولا مفرد
السعادة انك ترضي ربك وتكفي اذاك وشرك عن الخلق وترضي وتقتنعي برزقك
وانت تشوفي الدنيا كيف تحلو وتتفتح لك ابواب السعادة

وان لم تعدل فواحده يابنات الشرع صح حلل التعدد بس وين اللي يعدل هالايام والله مافيه الا ماندر كل اللي اشوفهم عندي قاهرين زوجاتهم سواء الاولى ولا الثانيه لدرجة بعضهم يطردها من البيت والله قصص تشيب الراس الله يبعد عناالضره

أحسنتي أشد إيدي على إيدك لا فض فوك جزاك الله كل خير هذا كلام المسلمة الواعية كل المحبة قلتي كلام درر يجعله الله في ميزان حسناتك إن شاء الله 💕

بلا فلسفة اللي يسمعك يقول الركن السادس من اركان الاسلام التعدد والتشريعات وما ادري ايش لا ماشاء الله عليك فقيهة زمانك الله يحميك وينفع فيك التعدد حلال يعني مباح وبشروط صعبة وهي العدل وبوعيد شديد وصعب للي يخالف العدل بيوم القيامة هذا اول شي ثاني شي لما يكون شي مباح ويترتب عليه شر يعني مفاسد وتكون الوحدة عارفة هالشي لاتجي وتتفلسف بالشرع لان الاضرار محرم لما تكونين بتتزوجين واحد عادي مارح يخرب شي مارح يتاثر بيته مارح تتاثر تربية عياله تزوجي اما تتاثر تربية بيته وتتاثر حياته ويظلم زوجته ويسوي هالاشياء المحرمة في سبيل انك انت حابة تتمتعين طال عمرك وتسوين شي حلال ومباح
وهذا اساسا لما يكون الرجال اساسا له رعبة في الزواج يروح يتزوج
مو لما تكونين وحدة ماهمك غير المتعة وتروحين تتراسلين مع الرجال وتخلينه يتزوجك
الله كللم الرجال قال فانكحو ماطاب لكم وما قال للحريم فراسلو الرجال واتزوجوهم
ولا الاب اللي بنته اكبر هم على قلبه مافكر غير بالمتعة مع زوجته ولما جته بنت احتار وين يوديها ويعرضها على واحد يخلصه منها
ماتبي بنتك خذ موانع يا اخي خلي حرمتك تاخذ موانع يلقون الرجال لاعلى باله الزواج ولاله رغبة فيه ويرمون نفسهم عليه ويقولون لا تعارضون الشرع حرام الاعتراض على الله طب مادامك عادي تعرضين نفسك وتقولين للرجال تعالو تزوجوني والاب اللي يبي اي رجال ياخذ بنته وبلاش طيب روحو عند العزاب ليش تروحون للمتزوجين
او اصبرو لما واحد عنده رغبة يتزوجكم مو تروحون للي ممتزوج ومبسوط وماعليه قاصر تخربون عليه بزعمكم بتطبقون الشرع تلقين الوحدة لادورت على صلاة ولاصيام ولا نوافل ولاطاعات وكثير من اللي يحطون هالمواضيع الفاظ بذيئة اعوذ بالله وقلة تربية وفلة احترام وتجي تقولك الشرع حلل طيب الشرع اول شي اهتم بالاخلاق وحرم السب والضرر