تجمع أمهات الأشبال بإذن الله

الرهيبه
اذا ماعليكي كلافه بغيتك تفسرين لي حلم
حاولت بالخاص ولقيته مغلق
اذا التفسير خاص ممكن ترسلين لي
واذا عادي قوليه هنا عادي

حلمت بعد صلاة الفجر ان عندي عمل وطالعه له مع اخوي واختي لماليزيا( وفي الحقيقه اغلب سفرات العمل مع اخوي واختي)
المهم وانا مسافره وقدني بالمطار اكلم زوجي يحول لي فلوس عشان راتبي مانزل ( بالعاده كذا اسوي استحي اطلبه وحها لوجه 😢)
وقال خلاص بحول لكي ٨٠٠٠ لحسابك .. اللي صار مدري مين طلبني محفظتي اللي فيها بطاقة البنك وبعض الفلوس
واعطيته ياها لانه يحتاج منها فلوس
لما وصلنا ماليزيا وانا بالغرفه كنت على سجادة وجنبي شاب كان بيختنق وجات ماليزيا بسرعه اعطته أكسجين وصار بعدها تمام انا كنت أحسبه ولدي ( ماعندي ولد اساسا ولي ١٢ سنة اتمناه😢 ) بس ماني فاهمه وضعه بالزبط
اللي اذكره ان اخوي سألني على البطاقه عشان يدفع للفندق واروح لشنطتي ابغى اطلعها والاقيها مو موحوده وشكلنا نسيناها بالمطار
قال اخويا هو بدبر نفسه لين اتصرف هم معتمدين علي اصلا بمصاريف الرحله
وفكرت قلت خلاص هو حولها للبنك ماقدر اسحبها
قال اخوي انا بطاقتي معي حوليها علي قلت ماينفع لازم الرقم السري
اللي يقدر يحول لنا ٨ الاف زوجي بس وانتهى الحلم

هههههههه يسعدك ربي ضحكتيني الله يرزقك بالولد الذكر السليم المعافى ماعتقد له علاقه هذه ارزاق يهبها الله لمن يشاء

عسى ان تكرهو شيئا وهو خيرا لكم يابنات والله كلهم نعمه اهم شي الصحه والسلامه انا حملت في ولد ومات بعد الولاده وطول فترة حملي كنت عارفه انه مستحيل يعيش كنت اتمناه بنت بس اهم شي تعيش الله لايضيع لنا تعب واذا على كلام الناس لاتعطونهم فرصه اليوم انا ع سجادتي جتني وساوس وقعدت ابكي اعوذ بالله تخيلت الي في رحمي بنت وانها بتمووت جدددا مؤلم التخيل تعوذت من الشيطان ودعيت الله يتمم حملي ع خير بنت ولد مايهمني صحيح اتمنى الولد بس مو لدرجة اكتئب لو قالو بنت

سبحان الله كثير خلفتهم اول شي بنتين وبعدين ولد وعندك مثال ابوي وامي كذا وبنت عمي وزوجها كذا وبعدين جابو اولاد امي وابوي ربي رزقهم بعد البنات ثلاث اولاد وبعد الثلاث الاولاد ثلاث بنات هههههه وبعد الثلاث بنات ثلاث اولاد هاه ايش رايك ربي كررريم