💫🌟تجمع وتبــاشيرمايو&يونيو الثـــلاثون🌟💫

صباح الخير والرضا والآجر العظيم من رب كريم ❤️
الف الحمدلله على سلامة كل الي ولدووو وربي يحفظ لكم ويصلح لكم ماعطاكم❤️
والباقييين اسأل الله ان يهون عليكم كل أمر ويكفيكم الضر
وييسرلكم ويقر عيونكم بااطفالكم ❤️

بعد ماقلت لكم قصة ولادتي وعدتكم اقولكم الي صار معي
قصة ( مابعد الولادة)
بااختصار ،،
بعد ماجلست ساعتين بالملاحظة ، نقلوني لغرفتي ،
وتعرفون بعد العملية ماتصحين مررة لانك مازلتي تحت تأثير البنج والمهدئات ،كان فيه زوجي وجوني خواتي اصحى معهم شوي وانام شوي لحد الساعه ١ وانا على هالحال،
وبعد ٦ ساعات من العملية شالو عني قسطرة البول وانتو بكرامة ، وسمحو لي اشرب وقتها عطشانةة مرررةوجابو أكل ،،،،
طبعاً اول يومين كان المغذي مايفصل لان يعطوني مضاد ومسكنات عن طريقة كذا مرة باليوم
بعد الفجر اول يوم مسكني الم غريب عجيب كنه طللق مع كهرب من قوته واشدد بكتوفي وبالذات اليمين كنت اصيح واقول للنيرس جيبيلي اقوى مسكن بالوجووود الم لايطاق
وعطوني ابرة بالعضلة والحمدلله هجد وقدرت انام ،
لما جت الدكتورة وسألته عن هالالم قالت طبيعي هذي الغازات لانها ماتطلع ، بس جد الم فضييع😢
اول قومة بعد العملية وروحه للحمام كانت بصعوبة وبمساعدة اختي والنيرس ، ضروري احد يمسكك لان الدوخه شغالة معك ،،
اول يومين من العملية هي اشد شي لان ماتقدرين تقومين وتقعدين الا بمساعدة ،،
وكانت الدكتورة تلزم علي على المشي والحمدلله قويت نفسي ومشيت ثاني يوم بممرات المستشفى لمدة ربع ساعه،،
ثالث يوم من العملية حللو لي عن فقر الدم ولقوة ناقص مرة وصل ٧ على انه الحمدلله مانزفت اثناء العملية على كلام الدكتورة وحتى بعده كان عادي جداً ، واضطرو ينقلون لي دم كانت الدكتورة محددة كيسين بس انا رفضت واكتفيت بكيس واحد والحمدلله على العافية ،
باليوم الرابع الحمدلله قدرت الغازات تطلع وخفت الالام الي كانت معي صدق لاقالو الي بطنه ريح مايستريح 😊
وبنهاية اليوم الرابع الحمدلله طلعت انا وولدي من المستشفى بالسلامة والله يتمم علينا الصحة والعافيه،
وطلعت على مسئوليتي لان كانو خايفين من سالفة اني ماتبرزت ،وانتو بكرامه ، فالحمدلله على نعمة العافيه سادس يوم قدرت اتبرز وخف التعب والشد الي كنت احس فيه ، ويوم عن يوم صحتي تكون افضل والحمدلله أولاً وأخيراً،
وجعل مااصابني طهور وتكفير ورفعه بالدرجات بهالشهر الفضيل ،
ويارب تجزى والدينا عنا خير الجزاء
وتجعل امي سيدة من سيدات الفردوس الاعلى ياكريم ..

صباح الخير💕
مبروك للنفوسات 🌷وعقبال باقي الكروشات 🤰🏻ربي يهون عليكم وتقومو بالسلامه يارب 🎀
اعذرونا على قلة دخولنا مشغولين مع البيبي👶🏻 والضيوف و رمضان الله يسهل الأمور
النفوسات متى طاحت خيوطكم انا لي ١٦ يوم وأحس الخياطه ملتهبه توجعني مره وتحرقني
كريم ابو أسد تستخدمو ابو خط احمر ولا ابو خط برتقالي ؟

اللولب مشاكله كثيره
اش الطرق الطبيعيه ؟؟
مجازفه !!!!
صاحبتي تقول عادي لاتبالغين 😢

كيفك مع العمليه ؟؟
تنامين على الجنب ولا لا
انا لسى ماقدرت