تجمع الرقيه سبيلنا للشفاء من الأمراض _ الجزء الثالث ( 3 ) .

يا راعيه عليج بالصلاه على الصلاه اكثري من الصلاه على الرسول

الله يشفيج يارب

يا راعيه الله يشفيج قريب آمين
طيب تقولين جربتي كل شي جربتي الاستغفار والصلاه على الرسول وكم المده اذا استمريتي فتره

الحمدلله صارلي يومين ثلاثه صحتي زينه يارب أدمها نعمه فرق لما الواحد تعبان والواحد بصحته ماقول غير الله يرجعلنا صحتنا اللي راحت بسبب عين وحسبي الله ونعم الوكيل ..

أنا أقول أذكار النوم الحمدلله قبل مانام وقبل حالتي حيل حيل أتعب وأمرض بالأيام بس من الرقيه وأذكار النوم والوضوء وايد تحسنت حالتي الحمدلله .. ولو ماقول أذكار النوم كان أتوقع حالتي للحين بين مد وجزر لأنه أول الرقيه كنت أنام قبل لا أقول الأذكار دقيقه وأكون نايمه !!!
جزاك الله خير على النصيجه فعلا بنات طبقو كلام قطريه أذكار النوم مهمه جدا جدا جدا ..

ياليت اقدر يا دريبه أغتسل يوميا من بعد الرقيه صارت مشاكل بأذاني ولو نقطه دخلت أذاني يوم يومين امرض بحياتي ماتوقعت انه الأذن تسوي جذي الله يحميكم يارب ويحمي اذانكم
في حل أقدر أسويه يعني أغسل جسمي وراسي أقرا عليه مثلا .. ماغتسل بالماي خايفه العارض يصعد لراسي أول الرقيه ثقل براسي مو طبيعي ماصدقت يخف الثقل ..



أما أشرب ماي مقري بإذن الله أطبق هالشي بس دايما أنسى من المشاغل

بنات كنت حاطه ببالي أنشفي برمضان هذا لكن اذا الله مو كاتب لي انشفي الحين شلون مانصدم لأنه كل رمضان اقول ناطره الشفاء ومايحصل وأتضايق والجدول أتركه لحد ماتهدا نفسيتي


احساس انج انظلمتي يذبح يموت كل يوم :(
ماتوقعت أكون ضعيفه بس هالمرض يخلي الواحد ضعيف ساعات


الله يصبرني خصوصا اني كلش ماعندي صبر وملوله حتى من نفسي