تجمع أمهات الأشبال بإذن الله

الله يجزاكم خير كل من دعت لي
ماسويت اي شي بموضوع حملي بولدي حملت وانا بدون تخطيط مدري الا انا حامل يعني ماسويت شي بس كنت قبلها ادعي ربي استجاب لي الحمدالله
انا كنت اسوي غسول قلوي وشراب وحمية ومتابعة تبويض وجبت بنتي الثالثة
ولما رحت عمرة ودعيت بعدها حملت وربي رزقني يعني الدعاااء ربي هو اللي بيعطينا اللي نتمناه لاحمية ولابرامج هذي تجربتي

والله كلامك ليس مهما زعلني كثير وما اتخيل احد يدعي هذي الدعوة على ضناه
اكيد غصب عنك و المجتمع ضغطه خلاك تفكرين بالولد فقط لا غير
ترى كلنا فاهمين شعورك ومقدرين وضعك ولو بغيتي سردنا من القصص لبكره ما خلصنا نواسيك
ارجعي اقرائي كلامك وشوفي قد ايش فضفضتك توجع
مهما كان ما نوصل لهذا الحد من التمني
كلامي قاسي لكن قلبي احترق لأن حياتي تغيرت بموقف
كان عندي بنت ثم ولد ثم ثلاث بنات وكلهم تمنيت ولد عشان المجتمع طبعاً
كنت إذا مشيت ارحم نفسي اقول ولد و4 بنات غير كلام الناس وزوجي نفسه بولد لكن ما يضغط علي يقول الله الخالق ولا بيقدمنا الولد وتاخرنا البنت
ومرت سنوات قليله وكتب الله تتوفى البنت الثانيه أرق قلب في الحياة وقتها صحيت من غفلتي وعرفت قد ايش مشاعري ظالمه وسمعت كلمه وقتها حرقت قلبي قالوا الحمد لله انها بنت ما مات الولد
تخيلي القهر فوق الفقد
ما أخفيك ربي عوضني خيراً فهي شفيعة لي وطير من طيور الجنة إن شاء الله وجبت بعدها ولد الله يصلحهم جميعاً لكن تادبت وعرفت حجم الأمنيات وغلاة بناتي الي اليوم مرتاحه معهم رغم باقي ثانوي وابتدائي
استغفري لكلامك وتراه والله عظيم جداً وبنفس الوقت مقدرين وضعك لكن يبقى شيء فظيع

وعلى فكرة سلفاتي وقتها يجيبون اولاد والوحده منهم لو تغلط كم تغلط يعذرونها لأن عندها اولاد وانا لو اغلط بدون قصد صرت سيئة لأن عندي بنات
يعني ظلم كبير ومقارنة ظالمه


وبالاخير هي أنفس يخلقها الله لعبادته وليس لرغباتنا
وهذي قناعة ويقين عرفتها بعد وفاة بنتي
كان بعض كفار قريش يطوف بالكعبة وحده وأولاده حرس له من كثرتهم وقوتهم ولا يطوف معه أحد وما ادخله الجنة ذلك
والنبي صلى الله عليه وسلم كان خلفته بنات وهو سيد الخلق قاطبة بأبي هو وأمي صلى الله عليه وسلم

يا ربي أستغفر الله من كل ذنب
بنات إنتو بأي مجتمع عايشين
وين فيه هالناس
فالجاهلية من أيام قريش
مستحيل مستحيل في ناس جي
يا رب والله ما أتخيل

هذا المجتمع يا طينة جنة للأسف
والله جاهلية جهلاء ومهما قلنا يبقى مجتمع يحكمنا وتغيير افكاره بعد زمن واجبنا هو الرضا