كيف تواجهين الانتقادات ؟

مساء الخير على الكل كيفكم؟❤بنات انا حابه اطرح موضوع ونستفيد كلنا من ردود بعض وطريقة كل شخص طبعاً كل شخص مر عليه انتقادات على شكله لبسه اسلوبه مثلاً تشوفك وحده تقولك انتي سامنه مره صرتي ام عيال وانتي توك او تشوفك وحده تقولك وش هالنحف في مجاعه انتي او مثلاً لبسك اليوم خماليق او انتي مسمره بزياده او انتقاد فالاسلوب مثلاً مافيك انوثه قصري صوتك او انتي كسوله وهكذا عاد انتقادات ماتنتهي طبعاً اقصد انها تكون مثلاً من قريبتك او من الصديقات لان الغريبه ماراح تقولك كذا , كيف تردون ؟ وخاصه اذا هالشخص كل ماقابلتيه يردد هالانتقاد ؟ وانتي ماتقدرين تهاوشين بحكم انه بيقول كلمه عاديه ماهاوشك او كذا ؟

12 تعليق 1,386 مشاهدة

شاركي في النقاش

سجلي الدخول لإضافة تعليق.

التعليقات

11
  1. @tolan_1

    ١- إذن طين وإذن عجين
    ٢- اقول هذي أشياء خاصة فيني ليش تتكلمين عنها
    ٣- عاجبني يااختي على ذوقي هههههه
    ٤- شوفي نفسك اول بعدين تنقدي
    على حسب الشخص وحسب نفسيتي
  2. @dym_63

    صاحبة الموضوع
    تولان
    ١- إذن طين وإذن عجين ٢- اقول هذي أشياء خاصة فيني ليش تتكلمين عنها ٣- عاجبني يااختي على ذوقي هههههه ٤- شوفي نفسك اول بعدين تنقدي على حسب الشخص وحسب نفسيتي
    صعبه تقولين شوفي نفسك احس ! مثلاً هي مو سمنانه تقولين شوفي نفسك! بتقول شفيني انا ماسمنت فهمتي قصدي؟
  3. @dym_63

    صاحبة الموضوع
    تولان
    خلي هذا اخر رد لانه مو زين. بس القصد انشغلي بنفسك. يعني هي كاملة ؟
    فاهمتك اقدر اقول هالرد بس تعرفين لما مثلاً تمونين عليها مثلاً بنت عمك لو قلتي انشغلي بنفسك بتقول يمه ليه زعلتي وتراني مااقصد بس هذا الصدق يعني بتطلعين انتي مكبره الموضوع وهذا هو المصيبه ولا كان بتسوين هوشه ولاعليك😂
  4. @tolan_1

    طيب استخدمي نفس اسلوبها اذا قالت سامنة. بعد شوي قولي وراك ناحفة او خلك دايم على عاجبني ولازم تتعودين نفسك ماتهتمين لكلام الناس خاصة اذا صار من ناس يحبونك بس يبون يتكلمون. لكن لو تبغى تاذيك لاتسكتين لها

تابعي تجارب أخرى من هذا القسم.