وجه و جسم رويان بدون خلطات أو حلبة

بسم الله الرحمن الرحيم
السلام عليكم و رحمة الله و بركاته
حياكم الله جميعاً بنات حواء الغاليات
رمضان كريم و ذنوب مغفورة ان شاء الله
من منا ما تحلم ببشرة ناعمة وندية ، و من منا تحوس
في المنتديات تدور شي و تجرب أشياء و تكون النتيجة
حلوة لكن تتوقف بسبب الريحة أو الظروف
كنت مقررة أشرب حليب بالحلبة - منقوع و ليس مطحون- و معروفه فوائد الحلبة و انا مجربتها صحيح زي السحر لكن كنت اتحسر على حبوب الحلبة اللي انقعها اني ارميها تكرمون في سهلة المهلات بعد الاستخدام

و نجي الحين للسر 🌸

طبعا ً الحمدلله اكتشفت هالشي هذا الاسبوع اللي مر
من رمضان أهلي زوجي مسافرين و كنت اسوي طبق و اروح به معاهم عاد أبو الشباب قال لي ابيك كل يوم تسوين خلية النحل عارفينها انتوا فطاير بالجبن مكوره تصف و تعطي شكل خلية نحل فوقها شراب سكري
المهم قال لي ابيك كل يوم تسويها مع الفطور وسويتها ثلاث ايام ورا بعض و كنت آكل كذا حبة و قطعنا يوم ورجعت سويتها ما اكذب عليكم يا بنات حسيت وجهي منور و يلمع و بشرة جسمي و وجهي فيها نعومة و الشفايف موردة قلت اوه و انا مو مسويه شي هالفترة أبداً عشان اني كنت فاطرة اساساً
قلت اكيد السر في خلية النحل و سبحان الله جا فبالي الخميرة الفورية و بحثت عنها لقيت عجايب سبحان الخالق روعة طلعت تفتح و توحد لون البسرة وتعطي طراوة للجلد و مصدر غني للحديد العضوي و فيتامينات ب و تأخر الشيخوخه و تحتوي عالزنك مفيدة للشعر والأظافر و كمان كالسيوم و ترفع مناعة الجسم
قريت عنها أن اللي تبيها للتبييض تشربها مع حليب
و اللي تبي نعومة مع مويه
و طبعاً ما استخدم حاجة الا بعد ما أستخير
نجي للطريقة
ناخذ ملعقة شاي خميرة فورية - اللي عليها صورة الخباز - و يكون لونها بيج و تستخدم في المعجنات بدون ما نملأها نحطها في كاسه و بعدها نصب عليها ماي مغلي شوي ، أنا أصب مرتين بس يكون أقل من ربع الكاسة
طبعاً ليش الماي المغلي لأن الخميرة هذي كائن حي و الحرارة تموتها و بكذا نتخلص من الغازات اللي تسببها فالبطن و نستفيد أكثر
بعد كذا انتظر ثواني اشوفها استقرت فالقاع و اصب فوقها الحليب عادي و اللي بتصب فوقها ماي فاتر هم عادي بس أهم شي المغلي اول و ممكن تستخدميها يومياً لأنها مكمل غذائي رائع و تنفع للحامل لان فيها حمض الفوليك و مضرة فقط للي عندهم حساسية من الخمائر و اللي ضغطهم مرتفع و صالحة للنساء و الرجال
هذي صورتها و عذراً الموضوع كتبته عن طريق جوالي فما قدرت انسق

http://www.mobofree.com/uganda...
و كل عام و انتوا بخير و جمال مقدماً 🌹