الضحك على الناس

ياريت الناس يستوعبوا ..
‏
فاتحه حساب في الانستغرام ‏تبيع جلابيات من سوق طيبه
‏بـ ١٠٠ ريال
ومغيره الستكر حاطة اسمها ‏وتبيعها بـ ٥٠٠ ريال

🤔 ‏اصحي ‼
مايصير تطلبين من انستغرام ‏مناكير ١٠ريال
‏والتوصيل بـ ٣٠ !!
‏
‏⁧‫🤔اصحي‬⁩‼
‏كل ما تشوف فاشنيستا عرضت فرشة طرتِ شريتيها!!
‏وبالآخر تستخدمين : ‏فرشة وحدة لكل شي !!

اصحي🤔‼
‏👩 : احتاج ٥٠٠ ريال
‏👨 : ليش بعد ؟
‏👩 : بطلب ورق عنب ينشاف بالمجهر عشان جمعة صديقاتي !!


‏🤔 اصحي ‼
تشتري سجادة وثوب صلاة .. ‏بـ ٣٥٠ ريال.
‏عشان ملفوف بورق تغليف هدايا
‏ومحطوط معاه وردة !!

‏⁧‫🤔 اصحي‬⁩‼
‏القميص لابسته فاشنستا معروفه ؟
‏مره ستايل تبيعه بـ١٢٠٠ ريال
بموووت عشان احصله لمتيد ايديشن ‏وآخرتها من زارا 🤔

‏⁧
🤔 اصحي⁩‼
‏ مشغل مكياج عروس 3500 ريال
‏وإذا راحت تحط مكياج بنفس المشغل
‏وما قالت انها عروس ٧٥٠ ريال


‏🤔 اصحي‼
ملابس العيد ..
‏فستان شايفته من H&M سعره ٨٠ ريال
‏ألقاه بمعرض حاطه عليه لولوتين وفصّة
على كم ‏سعره ؟؟ ٨٠٠ ريال !!
‏⁧
🤔 اصحي‼
‏تروح المشغل تصبغ شعرها بـ ١٢٠٠ ريال
‏والصبغة بالسوق ب٢٥ ريال!!


🤔 اصحي‼
‏تدفع ٣٠٠٠ ريال عشان يعطونها وجبة ريجييييم
‏آخر شي يرسلون لها كل يوم توست وجبن وبيضة مسلوقه !!

‏
‏🤔 اصحي‼
عصير بمعرض ب ٧٠ ريال اسمه "مللتبتبتنوار"
‏ولما تذوقه يصير عصير برتقال مع الوان !!

حبايبي اصحوا ‼
الدنيا صارت غاليه لانكم تمشووون ورا ناس همهم الربح الفاحش من وراكم 💰
وهمهم التسويق لمنتجات شركات تعطيهم مبالغ كبيره لاعلاناتهم
يطلعون اضعافها منكم !!!!

للي تبيع أو تسوق لمنتج
للي تشتري وهي مغمضه
تذكروا هذا الجزء من حديث الرسول صلَّ الله عليه وآله وسلم:(( لا تَزُولُ قَدَمَا عَبْدٍ يَوْمَ الْقِيَامَةِ حَتَّى يُسْأَلَ عَنْ أَرْبَعٍ : عَنْ مَالِهِ مِنْ أَيْنَ اكْتَسَبَهُ وَفِيمَا أَنْفَقَهُ ؟ ))

18 تعليق 1,938 مشاهدة

شاركي في النقاش

سجلي الدخول لإضافة تعليق.

التعليقات

17
  1. @msk_hb

    فعلاً أنا أنخدعت و مقهوره من هالحركه و نفسي تراودني أن أكتب لها تعليق بحسابها بس قلت مع نفسي قطع الرزق و هذا اللي وقفني ممكن أكون غلطانه بالفكر لكن شيء منعني


    عني لن أسلم فليساتي الحلوين لكل من هب و دب الأن فهمت و عرفت بمقدوري أوفر و إذا التوفير بخل فاليشهد العالم أني بخيله 😌
  2. @mlk_ansan_1

    تذكرت وحده طلبت شي على مدح فلانة الفلانية وللأسف طلعت خامة الملابس سيئة مررة ونزلت السوق مرة ثانية وقضت وهي متحسرة ع فلوسها اللي دفعتها ف الطلبية


    طول عمرنا نقضي وناخذ ع اللي يريحنا بدون شور فلانه وعلانه بس مدري وش اللي سار للعالم




    يعطيك العافية

تابعي تجارب أخرى من هذا القسم.