التجمع(35) لاأجمل حوامل وامهات التوأم

يا بنات انا كان عندي غثيان قوي قبل كم يوم واخذت حبه من دواء الغثيان نافيدوكسين ومن بعدها اختفى الغثيان هل هذا شي طبيعي خايفه وبديت اقلق مو المفروض الوحام يكون قوي انتوا كيف كان وحامكم فالشهر الثاني طمنوني الله يسعدكم

انا وحامي يجي يوم و يروح يوم ،، احيانا مااحس اني حامل و احيانا يمسكني الوحام مسكة اعوذ بالله ..
انا وحامي كان خفيف بالشهر الثاني
اما بالشهر الثالث صار قوي مره

الله يطمن قلبك يعني طبيعي اللي يصير معاي لاني اشوف بنات حوامل بجنين واحد وحامهم صعب فأنا خفت قلت المفروض تؤام يكون الوحام اصعب ان شاء الله خير

ياعمري كنت مثلك مشيمة وحدة وكيسين
ودكتورة اكدت لي انه لازم قيصري والاستشاري جلس يقنعني بالطبيعي وانه ماله دخل مشيمة او مشيمتين

بس في النهاية انا اخترت قيصري اسلم للتوينز
واذكر وحدة من بنات التجمع نفس وضعنا وولدت طبيعي ماشاء الله..

وبالنسبة لابر السيولة خذيها من دون تفكير
انا كتبوها لي من الخامس ورفضت آخذها لان كل ولادتي السابقة ماكان عندي مشاكل الحمد لله ووقتها زعل الدكتور وقال لي اوقع له على مسؤوليتي ان صار لي جلطة او فقدت احد التوينز..

وبعدها استسلمت واخذتها والحمد لله ربي ييسرها وعدت الشهور على خير ..

في البداية كان زوجي يسويها لي وبعدين تجرأت وصرت انا بنفسي أخذها وشغت طريقة استخدامها في اليوتيوب

والحمد لله ماعملت لي تصبغات مثل شكوى الحوامل لاني كنت آخذها بشكل عمودي زي ابر الانسولين

وعالبركة للحوامل الجدد اللي انضموا للتجمع
وعالبركة للي وصلت التاسع الله يهون عليك وتبشرينا قريب بسلامتك وسلامة الاجنة ..


وعقبال باقي القروب ..


وام فاين خلاص ماقصرت وممكن تبشرنا قريب بولادتها يعني اي وحدة الحين تتبرع وتمسك القائمة وتاخذ اجر الجمييع


واللي يسال عن الاسماء ...حلو انه من بدري تجهزينها وتجهزين عبارة حلوة لتبليغ الولادة وراح تكون مفاجأة حلوة للاهل والاقارب والاحباب وخصوصا اذا كان خبر التوينز ماأحد كان يعرف فيه ..
انا سميت عيالي ❤❤نايف ونواف❤❤الله يحفظهم ويحفظ لكم حبايبكم يارب