تجمع/اللي زوجها عدد الحيوانات المنوية عنده (صفر)

اسأل الله ان يرزقكم من واسع فضله وان يرزقكم الذريه الصالحه انا دايم احب اخل هالتجمع بين فتره وفتره واليوم كل ماجاني الشيطان عوذ بالله ادخل هنا عندي بنتين وبعد البكر ربي رزقني بحمل بولد بس للاسف جاه تشوهات وتوفى بعد الولاده والحمدلله الله يجعله شفيع لي ولوالده وحملت وربي عوضني بنوته ملت الدنيا علينا عندي الان بنتين الله يصلحهم وحامل وكشفت الدكتوره سونار في نهاية الرابع وقالت بنت بس كنت اتمنى ولد والحمدلله بس الايجيني الشيطان ينغص عليه احيانا اقول الحمدلله واحيانا ادخل الملف واقول يابنت احمدي ربك واشوف معاناتكم وادعي لكم اسأل الله ان يطعمكم حتى يرضيكم بالذريه الصالحه

نفسي اسألكم سؤال هل لو ربي رزقكم بالحمل رح تهتمون بجنس الجنين ايش رح يكون والسؤال الثاني هل رح تستخدمون مانع حمل بين احمالكم او انكم رح تجيبونهم ورى بعض وبكرك ايش رح تسمينه سوى بنت ولا ولد

لو اني ما عرفك زين كان طحتي من عيني لكني اعرفك عز المعرفة نيتك طيبة
الحمدلله يختي ماحنا محتاجين نظرة شفقة اكيد عندنا اشياء ماهي عندك واكيد عندك اشياء ماهي عندنا ولكن القناعة كنز وكنز لا يفنى 🌸
بالتأكيد لا بنت او ولد كلهم خير واساسا انا وزوجي امنيتنا نشوف ضنانا السليم المعافى مو مهم بنت او ولد كلهم حلوين وخير وبركة وللموانع مستحيييل باخذها لاني الحين بدونها من سنين ولاحملت يعني بيفرق الوضع بعد الانجاب !! ؟
بكري على رغبة زوجي اذا بنت على اسم امه واذا ولد على اسم ابوه والحمدلله اساميهم مقبولة واساميهم مثل اسامي اهلي يعني ما اتحسف لو اسمي هالاسماء يخدمني من الجهتين

اااي صح حنان اذا تبين الولد ومصره عليه بعد ولادتك بالبنت سوي اطفال انابيب وحددي جنس الجنين ولد مضمونة بعد الله 100%

ايوالله الله يعلم بنيتي يااخواتي مااحب والله اجرح أحد يمكن فضفضت غلط اسأل الله أن يغفر لي زلتي وبالنسبه عن اسماء ابناءكم والله كنت ناويه تفائلون بالخير والله اختي لها عشر سنوات والحين حامل يارب لك الحمد سبحانه من لايعجزه شيء في الأرض ولا في السماء ومن جد يأختي صدقتي الحياه ماتكمل لأحد وسلفتي ماشاء الله ماعندها اطفال واغبطها غالبا ماشاء الله مثل الضحى توقت المنبه له وتصليه ومصحفها على سجادتها تصلي في أي وقت من دون ازعاج سبحان الله الحياه دار ابتلاء لاتكمل لأحد اعذروووني ان كنت جرحت أحد يعلم الله بنيتي والله اني حسبتكم اخوات ودخلت افضفض فقط لاغير اسأل الله ان يرزقكم من واسع فضله وانتم لاتنسوووني من الدعاء كلنا محتاجين له ادعوولي بتمام حملي وتيسير امري وان الله يطعمني بالولد الذكر السليم المعافى وانا لن انساكم ان شاء الله