زوجي ووظيفتي

السلام عليكم
مقهورة على سنين عمري الي ضاعت بالدراسة كنت احلم واحلم بالأخير فشل كل شي


.
طلع اسمي أخصائي وتعييني باحدى المستشفيات القريبه مني ولاكن زوجي رافض حاولت وحاولت دون فائده بعد ماطلع اسمي جيتله مبسوطه ابشره وتغير وجهه ورفض ان هذا مكان مختلط لحيت عليه ان حق من حقوقي ان اشتغل وخيرني بين نفسه او الوظيفة
وقال انا قصرت معاك بشي لابسه اكله شاربه الي تبغينه اجيبه لك
.
بالأمانة هو طيب معي ويبديني دائما على نفسه انا وعياله ومايقصر ويعطيني مصروف شهري
وانا احبه ويحبني وماقدرت اقنعه ومستحيل اتركه عشان وظيفة ونفسي في وظيفتي كيف بقنعه قبل ماتروح علي

64 تعليق 19,271 مشاهدة

شاركي في النقاش

سجلي الدخول لإضافة تعليق.

التعليقات

61
  1. @nor_ngd_0

    لاتستلمي حاولي مره وثنين وعشره بحيله بأي طريقة حاولي تدخلي امه


    لان وظيفة أخصائي اعتقد راتبها مبدئيا فوق تسعة الاف
  2. @naam_naam_ana_ktha

    شوفي زوجك صادق مكان ماراح ترتاحي فيه ولو كنتي
    متستره وهو من حقه يغااار عليك ولو كنتي صالحه لأن
    الرجال ماراح يخلون االبنت في حالها صدقيني وبعضهم
    والله يوصل إنه يظلمها ولايرقيها إذا شافها ماتجاوبت
    معه وضحكت معه فنصيحه طاعة الزوج واجبه
    والإختلاط محرم ومن ترك شيئا لله عوضه الله خيرا منه
    قولي اللهم إني تركتها لوجك فعوضني بخير منها
    وراح يرزقك الكريم إن شاء الله
  3. @lbn_hlo

    الله يبارك في زوجك . هذا رجال صح مايقصر معاك ويحبك ويوفر كل الا تبغيه .ايش تبغي في الوظيفة طز فيها اذا زوجك ماهو راضي .
  4. @dmoaa_alryad66

    الوظيفه سلاحك وسند لك
    الوظيفه مارح تتغير عليك بعد السنوات
    الوظيفه امان للحرمه لما يجيها ظرف لاقدر الله تطلق تترمل
    الوظيفه امان لك بعد الله
    حاولي معاه مره واثنين وثلاث ودخلي اهلك
    واكيد ما اخذتي الشهاده بعد تعب وانتي بتنامين عليها
    من حقك تضمنين مستقبلك الوظيفي وللدوام لله
    واذا ع اختلاط انا في اختلاط ينخاف ع الرجال من بعض الحريم
    عموما الرجال مايتجرا يتمادى ع البنت المحترمه
    بعدين للي تقول يغار مشكله ان فيه احد تفكيره كذا
    وش يغار منه هي رايحه تأدي واجبها وتنفع بشهادتها وتنفع بلدها وبنات بلدها
    لو كل شخص فكر بالطريقه الجاهله هذي ما حصلتي ولا حرمه وبعدها يجي الزوج الغيور الجاهل اذا تعبت زوجته
    يدور نساء يعالجونها مو رجال
    شي مضحك والله
    الله ينور عقولكم ع سالفه الاختلاط
    وترى الغيبه والنميمه وعقوق الوالدين .....الخ من اللي مصايب المنتدى كلها حرام
    قبل تتكلم الوحده عن الاختلاط بالمجالس وتسب وتقفذف تشوف نفسها وتنظف لسانه عن خلق الله
    معليش طلعت عن الموضوع
    والله يوفقك ياخيتي ويكتب اللي فيه خير لك

تابعي تجارب أخرى من هذا القسم.