وش اللي يرد اعتباري وكيف اعطيه درس ؟؟؟؟؟

مساء الخير وكل عام وانتن بخيرابيكن تشورن علي وتوجهني لاني محتاره مرهانا حامل وبقى لي اسبوعين وادخل التاسع على خير ***** الله صار بيني وبين زوجي خلاف قبل ست شهور تقريباً وجيت عند اهلي ومن جيتهم وهو ماسال عني ولا صرف علي عندي منه ولد بس اذا يبغى يشوف ولده يرسلي بدون سلام ابغى اجي اشوف ولدي جهزيه ويجي ويشوفه ويرجعه لي اذا خلص هو بمدينه غير المدينه اللي فيها اهلي ويرسل مصروف لولده بسانا حملي صعب ومدينة اهلي مستشفياتها محد يمدحها وفعلا قريبه لي توفى جنينها بسبب اهمال طبي وثانيه الله يرحمها بسبب خطأ طبي توفت مجزره الله وكيلكم وانا من حملت وانا اقول لزوجي ابغى الدكتوره اللي ولدتني بولدي هي اللي تولدني بحملي ذا وارسلي زوجي يقول اخذت لك موعد عند دكتورتك وارسل لي صورة الموعد ويقول اذا تبغيني اجيك اوديك انا مستعد واذا مو طايقتني تعالي مع اهلك والموعد بمستشفى بديرة زوجي وانا محتاره هل اروح مع اخواني ولا اخليه هو يوديني انا اخاف فيها تقليل من شأني اني اروح معه بعد اهماله لي وتطنيشه ماودي يكون له فضل واخواني عادي موافقين بس لازم قبل الموعد بايام اروح علشان التحاليل واحس هالشي فوق طاقتهم ماودي ابين له اني بحاجته وذا مو اول خلاف دايم نختلف واجي لاهلي ويجيني يراضيني او انا اراضيه ويوعدني بوعود وارجع له ونجلس فتره ونرجع لنفس المشاكل تعبت من التفكير والحيره ودي اعطيه درس وابين له اني مو بحاجته علشان مايتعود متى ماطفش طنشني ومتى مايبيني لقاني وانا اكذب اذا قلت مو محتاجه له بس انه تخلى عنيوش ارد عليه وهل اروح معه ولا مع اخواني متشتت فكري دلني للصواب الله يرضى عليكن ويجزاكن خير

55 تعليق 11,727 مشاهدة

شاركي في النقاش

سجلي الدخول لإضافة تعليق.

التعليقات

50
  1. @yasmyn_1438

    روحي مع زوجك لمصلحتك ومصلحة النونو الله يقومك بالسلامه
    ودام يسأل عن الولد ويعطيك مصروف الحمد لله فيه الخير وأحسن من غيره بس الله يهديه يبغى يتغلى علشان كذا مايسال عنك وبعدالولاده لو صارت مشكله ثانيه ان شاء الله ماتصير اقرصيه واحقريه بس الحين انتي في حاجته وما في اصعب من الولاده لازم مراجعات ومستشفى زين الله يصلح مابينكم ويسخر قلبه لك و عيالك
  2. @msk_hb

    طالما انك حامل و على وشك ولادة فالمكابرة ما تنفع انك تضحين بمولودك اللي جاي عشان رد إعتبار . انتهى


    بناءً عليه قرري
  3. @ana_oyaak

    روحي مع زوجك مادام مردك له ليه المكابر
    والتشتت لعيالك
    لعل الله يحدث امرا يمكن تتفاهمون وتولدين عنده وبخير وسلامه

تابعي تجارب أخرى من هذا القسم.