اللي من جيل الثمانينات والتسعينات تدخل😢💔

صدقتي والله ايّام زمان احلى من هذا الوقت الذي انتشر فيه الحقد والحسد وقطع صلة الرحم

والله زمان اول فيه الحقد والحسد والكراهيه والبغضاء والشحناء وحتى السحر والعياذ بالله عشان كذا احس الحين الناس صارت تفهم وتستوعب اكثر امهاتنا من اول على سجيتهم ياقلبي هم حتى بعضهن المعوذات ماتنقرا دايم او ماكانو يخافون على عيالهن فايصير الولد او البنت مريض/ه وماتدري وش فيه الام
طبعا كل هالاشياء سمعتها من امهاتي ياقلبي عليهن
لكن الحين ذا الزمن كل شي صار واضح ومعروف ومفهوم اكثر من اول بس الايجابيات اول كانن مع بعض في كل شي الحين لا

فعلاً كلامك صحيح اول الناس قنوعه حتى لو الوحده اقل من عاديه كانو الناس بسيطين وعادي كلنا نلبس مثل بعض ماعندنا مشكله وكنا نلبس اللبس الف مره وفِي العيد نستشور شعرنا ويصير كنه عشة من النفشه وعادي ماقد قلنا شعر فلانه منتفش واذا مره اخواتي كشخو وقتها حطو لفافات في شعورهم ولا صلحو طاقيه والمكياج كان بسيط روج وكحل ومسكره وبلشر واللبس مانشتري الا في مناسبه او عيد وبيوتنا بسيطه موكيت وعليه زوليه ومساند ومراكي واذا زارنا احد دجاج ورز وسلطه هاذا العشاء اذا مره مسوين اننا متفننين حطينا كريمه وجلي مع العشاء اذكر امي واخواتي كيف كانت حياتهم بسيطه وكانت زوجات اخواتي قمه في البساطة وكان الناس يجلسون على الارض في الزواجات اذا مره مسافرين الطايف وجده نروح كل سنه ومن قدنا كننا رايحين باريس والمتشيه كان ابوي الله يغفر له اذا يبي يمشينا يودينا الفله الجديده ولا نروح نقضي من السوبر ماركة للبيت ولا يودينا المزرعة في قريتنا ويازينها من ايام وياحلوها فعلاً ليتها ترجع حتى التلفزيون كان القناة الاولى والثانيه بس والفيديو مانشغله الا في العطله الصيفيه امي توزيه عننا الين العطله بعدين تطلعه ولا مافيه آلا القناة الاولى والثانيه بس حتى ماعندنا كثير حالات طلاق وقتها والنَّاس بيوتها مفتوحه للاهل والأقارب وأكثر مكان كنّا نحبه بيت جدي الله يرحمه حتى زوجة جدي الله يرحمها كانت في مكان جدتنا وبس تغيرت الدنيا تغيرت القلوب وصار فيه حسد وغيره وسوء ظن بالناس والقيل والقال وتقاطعت الناس بسبب فلانه قالت وفلانه سوت