استشاره

السلام عليكم
كيفكم ياجميلات عالم حواء،بدخل بالموضوع وابي رأيكم بكل امانه
انا تزوجت رجل من العائله قريب جداًلنا عشنا اول سنه كأي زوجين يختلفون بوجهات النظر وكل واحد يريد ان يثبت وجوده (انا شخصيه قويه وقياديه)غصب عني مو بكيفي
المهم تعرضنا لمشكله وانا حامل في الاشهر الاخيره وحصل على اثرها طلاق وكان الطلاق الاول ذهبت للاهل وولدت عندهم وللامانه زوجي ما اعطاني ولاريال لا لما رحت لهم ولافترة وجودي 4شهور ولا ارسل مصروف لطفله لتجهيز احتياجاته وانا غير موظفه الله يخلي لي الوالد ولدت وجا شاف ولده وجا ابوه معاه وحاولو الاصلاح واكتشفت انه مرجعني وانا بالعده عند اهلي مع انه كان ضاربني صرب غير مبرح ورجعت له بعد الاربعين وعشناحياتنا عادي بدون صعوبات ولله الحمد حتى اتى ذلك اليوم الذي يمر بموقف في عمله يجعله يكشف لي اوراقه
(ادمان،افلام اباحيه،لايصلي الا نادراً وحسب مزاجه،علاقه بالماضي من احدى الفتيات واخواتها،شرب للخمر لكن ليس باستمرار،التدخين، الجماع المحرم) بالله من تكتشف ان زوجها وحبيب عمرها يحمل تلك الصفات ماذا تفعل خاصة بوجود علاقة رحم بيننا وطفل بريئي؟؟؟
ابقلكم وش سويت فعلت كما تفعل المرأه العاقله سترت عليه ووعدني بالتغيير ووعدته بالوقوف الى جانبه حتى يتخلص من هذا كله ولكن الطامه الكبرى عشت سنوات كثيره على وعود فارغه (صفات المنافق)
ولم افعل كمايفعلن كثير من النساء تشيل قشها وعلى بيت اهلها
دارت الايام وامتلكنا منزل وكانت والدته (قريبتي جداً وفي مقام امي) ويشهد الله انني اعاملها بكل احترام وتقدير وهي كذالك)مقعده ومطلقه وبين فتره واخرى تجلس عند احد ابنائها بنفس المدينه اشفقت عليها من ذلك ومن ان تجرح احد او تسيئ لاحداو احد يوذيها او يسئي لها بتصرف او كلمه (تعرفون زوجة الابن احياناً لاتطيق ام الزوج وكذالك العكس) فقررنا ان تستقل معنا في شقه او دور بمنزلنا وكان ذالك ولله الحمد معها خادمه تقوم بشؤونها ولكن الخادمه (منحرفه اخلاقياً)من اصحاب التواصل والعلاقات بمواقع التواصل طلبت ام زوجي مني ان احضر لها شريحة بيانات وانا اتهرب بحجة الامطار وو حتى اخبر احدى بناتها للتولى الموضوع لان لدي مبدأ الخادمه جآت للعمل وليس لتصفح المواقع وعمل علاقات وارفض ان يكون مع الخادمه جوال الا للضروره القصوى ويكون بدون كاميرا ولا برامج(ابو كشاف)واخبرت ابنتها الكبرى فتذمرت من الطلب وقالت سنناقش الموضوع عندما احضر لزيارة امي قلت لها ابشري اليوم التالي كررت ام زوجي الطلب قلت لها زوجي لايستطيع وانا اعتذر لا استطيع وقلت لها اطلبي من الذي احضر لها الشريحه والموبايل وفتح علينا باب كان يجب اغلاقه طبعا لم اقل لها كل ذلك قلت اطلبي من فلان يحضرها لها لانه صاحب الشأن وهو الذي يدير رواتب العامله واقامتها معه ووو هو جاب لها قبل طبعا انا رفضت لان الانسانه مو مزبوطه وتواعد وتكلم وومكن تدخل احد من باب بيتي والناس لماتشوفها ماراح تقول للشغاله بتقول صاحبة البيت مو مزبوطه
صح والا انا غلطانه المهم راح زوجي يسلم على امه وطلبت منه يجيب لها شريحه بيانات وهي مكلمه ولدها الثاني قبل وقال ابشري انا بجيب لها طبعا عندها ولدين غير زوجي وبنتين وعندهم اولادكبار
لما عرفت انها طلبت منه دقيت عليه وقلت له اذا لي عندك ذرة كرامه لاتجيب لها شريحه سالني ليش قلت لان اخوك ابو فلان قال بيجيب لها (طبعا انا اعرف حركاتها وهو يعرف انها مو مزبوطه)قال ابشري
ثاني يوم سوى مشكله وقال ليش ماتبين اجيب لها قلت لان اخوك بيجيب لها وانا انسانه اغار عليك وما ابيها حتى كاس المويه تعطيك هب فيني هبه مو طبيعيه وقال انتي تبين كل شي على كيفك وهذا حقها ووو وقال كلام مررره صعب المهم قال والله لاجيب لها انا انقهرت كزوجه وقلت روح جيب لها حبيبة القلب(طبعاً ماقلتها من فراغ من زمان الاحظ عليها نظرات وتصرفات اعجاب وووهو كذالك)قال والله احبها وواله ابحيب لها الشريحه ووالله لأنام معاها انا كنت عادي لين سمعت الكلمه الاخيره كانت صدمه واوجعتني المهم طلع وسكرت الباب علي بغرفتي ع اساس بيطلع (لما يزعل ونتهاوش يطلع بس بعد ما يعك الدنيا عك) وشوي الا اسمعه يكلم شغالتي ويقولها اني مجنونه لاني اقول ان كذا وكذا طبعا هي مافهمت شي وجلست تبكي نزلت قلت اطلع يابن الحلال قال لا ما اطلع تعالو ياعيالي اسمعو امكم تقول ----كلام قذر انا ماقلته وطال الكلام ومن الم كل اللي قاله قبل وقدام شغالتي والعيالي واصراره ع احصار الشريحه قلت يا هالشغاله بالبيت طبعا هو فهم اني اقصد امه وانا اقسم باللي رفع السماوات السبع اني ماقصدت امه قصدت الخادمه فقط،، خرج واتصلت عليه قلت يابن الحلال انا مالي حياه معك بعد اللي قلته وعلشان كمان ماتعدل خصوصاً توني رجعت من مشكله جلست عند اهلي فتره طويله شهرين ورجعنا نتمشكل وطلبت الطلاق بكل هدوء وباتفاق بدون تدخل اي طرف من العائلتين
واصريت وقلت له طالما اتفقنا يخلص بدري الموضوع علشان مانجلس وجهنا ببعض وتكبر زياده ويصير فيه تدخل من الاهل وفعلاً تمادى حتى كبرت وخربت وطلق وانا الان خلصت عدتي وهي الطلقه الثانية في فتره العده اعتدى علي وهدد بالقتل مرتين والثالثه ضرب ضرب مبرح
هل انا غلطانه او على صواب؟
اشكركم واعتذر عن الاطاله

25 تعليق 1,929 مشاهدة

شاركي في النقاش

سجلي الدخول لإضافة تعليق.

التعليقات

22
  1. @tebo

    والله ياام حسان احمدي الله ع الخلاص
    والسلامه من ذا المخلوق
    واسجدي سجدة شكر ان الله عافاك منه
    الان صفحة وانطوت ولو تكرر الاعتداء مالك الا الشرطه ترده عنك اذا مارده عقله والله يكتبلك مافيه الخير
  2. @om_hussain_1

    صاحبة الموضوع
    رحت للشرطه لالمره الاولى والثانيه وتم اتخاذ اللازم معه ولله الحمد
  3. @om_hussain_1

    صاحبة الموضوع

    المشاركة المقتبسة غير متاحة.

    معك حق لكن انا سكت وصبرت لان توني راجعه من بيت اهلي مطلقه الطلقه الاولى مع اول طفل وضعي كان صعب
    والشي الثاني حلف من على كتاب الله ان يتغير وهذا اللي خلاني اصدقه واوقف معه لانه مبتلى ابتلاء عظيم
  4. @om_hussain_1

    صاحبة الموضوع
    فعلاً انا راضيه ومرتاااااحه ولله الحمد
    لان الطيبون للطيبات والخبيثون للخبيثات
    والعياذ بالله

تابعي تجارب أخرى من هذا القسم.