زوجي يستغفلني وقاهرني

السلام عليكم
بنات مقهورة وضايقه في الارض احتاج احد يسمعني
والله اليوم كنت على وشك الإنفجار
.
انا نزلت موضوع قبل كم يوم الموضوع كنت اتكلم فيه عن زوجي وحبه لبنت خالته ورفقت قصيدته بموضوعي
..
اليوم رحنا موعد لي عند دكتورة الاسنان وحنا نمشي بالطريق غير المسار ويروح مع طريق ثاني ومرينا من عند قاعه كان فيه سيارات كثير انا اعرف ان زواج بنت خالته اليوم بس مدري انها نفس القاعه وقلت انت وين رايح قال بشوف لي قطعة ارض واحد كلمني عليها بعدين تأكدت انه هو زواج بنت خالته ؛ لمن رجعنا اسولف مع اخته واتس وعلمتني ان زواجها بهذي القاعه لاني قريت اسم القاعه لمن مرينا من عندها حتى الله لاتبلانا بغى يدخل في صبه كانو منزلينها على حفريه من كثر مطايره عيونه في القاعه
..
ماكلمته عن القصيده ولا عن موضوع روحته من عند القاعه وهو يستغفلني ويحسب مادري وانا محروقه من الداخل
..
رجعنا من المستوصف وماتكلم معاي كثير ومسوي نفسه مصدع وساحب شماغه ومغطي وجهه جاب عشا وقالي مايبغا مصدع وبينام وانا حاقده عليه وعلى الي يسويه مايدري اني عارفه كل شي كنت بواجهه بس يوم قال مصدع قلت لنفسي اخليها بعدين
الى متى بظل اصبر على تصرفاته حتى قصيدته سمعت اغلب النصايح في المنتدى ومسحتها وسكتت وماوجهته فيها وبكذا هو راح يستغفلني اكثر واكثر