اتمنى حل عندكم يالحريم

افحصي فيتامين دال
تأكدي من حبوب منع الحمل لأن بعضها تسبب عصبية فضييعة
افحصي المعدة وتأكدي انها خاليه من الجرثومة
تأكدي ان ما عندك اكتئاب النفاس لأن الاكتئاب يخلي الحياة باهتة ومالها طعم وعلى طول معصبة

اذا هذي كلها سليمة استرخي وخذي اجازة من ضغوطات الحياة وعيشي كأنك طفلة ما تجاوزت العاشرة اتركي مسؤولياتك لغيرك فترة ترتاحين فيها وارقي نفسك ولازمي الاستغفار والصلاة والحوقلة وبتنور حياتك بإذن الله

كانك تتكلمين عني☹️

الله واعلم شكل معك اكتئاب خذي لك علاج وباذن الله تتحسن امورك انا كنت نفسك واعظم لحد مااخذت علاج للاكتئاب من دكتور نفسي لفتره ٩شهور والحين تركته الحمدالله احس احسن من اولى صح احس بدت ترجع لي بعض الاسياء بس اخف من اولى ودعواتك لي

اعرف وحده صار لها مثلك تماماً الله اعلم انه اكتئاب مابعد الولاده معروف يمتد اذا ماعولج سريعاً ومعه شكلك تاكلين حبوب منع الحمل
اعراضه
(تجيك فتره تقولين انا مين الحياه هذي ايش اكره اللي حولي ماتطيقين احد ماتحترمين احد عادي تخربين علاقتك بالاخرين في نفس الوقت تقلقين وتندمين تتمنين الموت على اتفه شي يجيك قهر وعصبيه بدون سبب فجأه تحسين انك مكتومه ودك تموتين طفشانه زهقانه واي كلمه بسيطه من اي احد حتى لو مزحه او بدون قصد تحسسين منها )
الحل ابتعدي عن المسكنات بأنواعها اذا مافيه سبب عضوي او الم عضوي
اقري قران كثيركثير اسمعي القران كثير كثير استغفري طول الوقت ارقي نفسك قبل النوم اقري في كفوفك وانفثي وامسحي باقي جسمك دوري ايات السكينه واقريها بتريحك بعد الله خليك دايم على وضوء اقري سورة البقره كل يوم اشتغلي على نفسك عالجيها زوجك ماله ذنب ولاعيوبه لها ذنب لو كل الناس تدقق فالعيوب محد جلس مع احد بس انتي تعبانه عالجي نفسك وبترجعين احسن من اول لاتخافين لكل داء دوا وخليك قويه لايوسوس بك الشيطان وانك بتصيرين دايم كذا اللي اعرفها حالتها اللي جاتها صارت من الماضي عقبالك يارب
واي شي او استفسار عيوننا لك ارسلي خاص ..
لااله الا الله

انا ماجاني اكتئاب نفاس
بس فترة نفاسي مو. زينه وزوجي حسيته مبتعد عني ولاجابلي شي ومسويه كنت عملية وتعبانه ويهاوشني بذيك الفتره
طبعاً ذا مو كل شي سواهه هذي بنسبالي اشياء عاديه
لكن انا وزوجي متغيرين على بعض كثيييييير
من يوم حملت
والاحترام بيننا معدوم
صحيح ذحين تغيرنا ونحاول نحترم بعض
لكن انا مو متحملته اعصب بسرعه
وطبعاً سوى اشياء كبيره ليه وماني قادرة انسى رغم اننا اتفقنا ننسى كل شي
لكن الاشياء اللي سواها لي متعبتني
ودايم افكررر فيها وابكي
واحس مقدر اصدقه ولا اثق فيه
مشتته انا داخلياً ، ولو ابتسمت له بداخلي شي ثاني
مااااااكنت كذاااا ابي ارتااااح بس
ماعليه فيييه
انا قد سويت فيه اشياء لكن سامحني ومرتاح
ماني قادرة اصير. زييهه
كثير افكر اموت ويرتاح اللي حولي مني
حتى ولدي الصغير انا مو قده ولا استحقه