بنت خالي ضيعت شرفنا

استغفر الله يا رب انتي ليش تفضحين ببنات الناس بعدين انتي شفتيها تزني يعني دخلت الغرفة و لقيتها مع رجال ،،،خافي الله في بنات الناس ليش الاتهامات القبيحة هذي ليش التدخل بين الازواج انتبهي لنفسك و ترى الدنيا دوارة اذا فضحتيها الله ممكن يبتليك في بناتك او في نفسك ... دعي الخلق للخالق و انشغلي بنفسك لا تخلي الشيطان يضحك عليك من باب انك تسوين خير لا لا لا هذي مصيبة الي انتي ناوية عليها انتي في يدك انك تدعين لها و بس

نصيحه لاتكشفين ستر الله عليها من ستر مسلم ستره الله يوم القيامه انتي حاولي تمسكين دليل عليها وروحي لها وواجهيها الله يستر علينا وعليها والشرف مسأله كبيره لو قلتي لخالك وخالك صار له شي وامها واخواتها راح تطيح سمعتهم وانا اختك هالامور يبي لها ركاده

سبحان الله قدرتو تسولفو عنها وتتهموها بقفاها بغض النظر صح او لا ولا قدرتو تنصحوها بادب وخوف حقيقي عليها هي مو ع شي اخر ؟
ممكن انها تركب مع اوبر وكريم وسياراتهم خاصة معقولة كل من تركب مع اوبر وكريم لحاجة لها تجيبها تكون ارتكبت حد ؟

ممكن اي شي يكون وضعها ليش بكل بساطة تتهموها وللعلم اي اتهام من اي وحدة بدون شهود على وقوع الزنا لو عرفت عنهم بنت خالك ترا تقدر بكل بساطة ترفع قضية قذف وحينها كل يتبرى من هالاتهام فاحفظي لسانك لا تجي براسك السالفة وبالراحة بتلقى من يشهد لها يعني لانو ما حد يعرف وش وضعها الفعلي ولا حد يتجرا بالعلن يتهمها تراها اعراض مسلمين مو شي سهل وفرضا فرضا نقول في شي غلط بدل ما تستروها وتنصحوها وتاخذوها لطريق الحق قطعتو ظهرها حكي وانتم يالحريم بتناقل السالفة تنشروها لو كل وحدة تحفظ لسانها وتسال الله الستر وتنصحها بادب ما صار شي!


الحل يا نصيحة بادب يا كفو شركم عنها واحفظو السنتكم



لو كان عليها ذنب اساسا او ماعليها حسابها على الله اما انتم فعليكم ذنب الغيبة بقفاها في الحالتين والقذف وحده بحالة براءتها



وكل انسان معرض يغلط معرض تتغير ظروفه ونفسيته بمراحل عمره

ما يندرى اي انسان ممكن يرتكب اي ذنب
لاننا مو معصومين ابدا مهما علت مكانة الواحد وثقته بنفسه وشرفه بين الناس فلا تعاب تبتلى والنصيحة بالوجه تصير مو غيبة بالقفا


الله يسترنا اجمعين فوق الارض وتحت الارض ويوم العرض

قلتي انها تطلع مع الرجال قدام اخوانها
طيب ! ليش ساكتين
ولا واحد فيه نخوة الغيرة والرجولة
ولا حاميها حراميها

غريبة والله
اهلها اولى بردعها و تعزيرها
دامهم شايفين و متسترين عليها

انصحيها الف مرة وادعيلها
واذا ما استجابت
خوفيها من مكر الله وعقوبته
واسحبي عليها
واسالي الله العافية والستر

زمان الواحد ما صار يامن ع نفسه
فكيف يامن ع غيره
اللهم سلم سلم