هلا أختي ..
بقولك بعض النقاط وأسفه إذا تكررت مع أحد الأخوات قبلي لأن بصراحه ما قرات كل الردود لأنها ما شاء الله كثيرة ...
* الصالة ما فيها حياة .. أشتري لك بعض الأشجار بأحجام متناسقة ومختلفة ووزعيها في في مدخل صالتك وفي أحد الزوايا .
* الكنب لونه غامق وأنت محتاجه تفتحينه شوي عشان كذا فيه في سيتي بلازا بيوت خداديات رخيصة خذي منها مقاس خدادياتك وأشتري بيج أو عسلي ولبسيهم الخداديات ووزعيهم على الكنب .
* روحي لأكيا عندهم لوحات حائط روعه شيء تصوير وشيء رسم وأسعارها من 35 ريال إلى 60 ريال .. خذي لك حجم واحد 3 لوحات متناسق الألوان مختلفة الصور وحطيهم بشكل جنب بعض بس أحرصي على لوحة يكون لونها متضارب مع ألوان صالتك عشان تبعدين الجمود عن صالتك .. مثلاً خذي لون البرتقالي الهادئ ترى عندهم أنا شايفتها تفع لصالتك بالراحه .
* الطاوله غيريها وأشتري طاوله مربعه بالوسط لونها بني وشوفيها بالعويس الطقم بـ 450 ريال وحدة كبيرة بالوسط وثنتين على الجوانب .
* غطي الطاوله بمفرش ستان مع مخمل لونه يكون بين البني والبيج والزراق الخفيف وهذا تحصلينه بالعويس في محلات صغيره يفصلون المفرش بالخامه اللي تبين والألوان اللي تبين وبأسعار رخيصه ما بين 80 _ 100 ريال بس لاحظيب المقاس يكون كبير شوي عشان تلخبطينه على الطاوله .
* الزوايا ركبي فيها الأضاءه الخافته اللي تصير معلقه على الجدار بس خذي نوع يناسب زاويه وتحصلينها في إكيا .
* الثريا اللي بالوسط .. روحي لحقين أكسسوارات الستائر في العروبه بتحصلين عندهم كرستال بالمتر أشكاله مختلفه وتجنن أشتري منهم كم متر ولفيه على الثريا بأشكال متدليه وبدون ما تقصينه .
* الجدار المقابل للجدار اللي فيه الصور .. حطي فيه خلف الكنبه إذا فيه مسافه كافيه حطي فيه طاوله رفيعه زي اللي تجي مع المداخل اللي فيها مرايا بس هذي بدون مرايا ومستطيله ع طول وحطي عليها تحف من سيتي بلازا .
** ملاحظة / ترتيب الكنب من ناحية ديكور لا يصح وضع كرسيين المفرد في رأس الجلسة بل يوضع الكرسي أبو أربعه .
هذا اللي عندي الآن .. أتمنى يعجبك .
لك تحيتي .
صورت صالتي بس؟؟....(جعل اللي ترد علي مايعرس عليها رجلها)
متابعة النقاش، صفحة 13